ഓര്‍ഡര്‍ ചെയ്ത ഭക്ഷണം നല്‍കാന്‍ വൈകിയതിനെ തുടർന്ന് ഡെലിവറി ബോയ് ഹോട്ടല്‍ ഉടമയെ വെടിവെച്ചു കൊന്നു. ഡല്‍ഹിയിലാണ് സംഭവം നടന്നത്. ഗ്രെറ്റര്‍ നോയിഡ മിത്ര സൊസൈറ്റിയിലെ ഹോട്ടല്‍ ഉടമയായ സുനില്‍ ആണ് മരണപ്പെട്ടത്. ഇന്ന് പുലര്‍ച്ച ഒരുമണിയോടെ ആയിരുന്നു സംഭവം.
ഓര്‍ഡര്‍ സ്വീകരിക്കാനായി ഹോട്ടലിലെത്തിയ സ്വിഗ്ഗി ഡെലിവറി ജീവനക്കാരന്‍ ഓര്‍ഡര്‍ നല്‍കാന്‍ വൈകിയതിനെ തുടര്‍ന്ന് ഹോട്ടല്‍ ജീവനക്കാരുമായി വാക്കുതർക്കങ്ങൾ ഉണ്ടാകുകയായിരുന്നു.
തുടര്‍ന്ന് സംഭവത്തില്‍ ഹോട്ടലുടമ ഇടപെടുകയും വാക്കേറ്റം രൂക്ഷമായതോടെ ഡെലിവറി ബോയ് തന്റെ കൈയിൽ സൂക്ഷിച്ചിരുന്ന തോക്കുപയോഗിച്ച് ഹോട്ടലുടമയെ വെടിവെക്കുകയുമായിരുന്നു.
സിസിടിവി ക്യാമറകള്‍ പരിശോധിച്ച് പ്രതിയെ തിരിച്ചറിഞ്ഞതായും അന്വേഷണം ഉർജിതമാക്കിയിട്ടുണ്ടെന്നും പോലീസ് പറഞ്ഞു.
Story highlight : The hotel owner was killed by food delivery boy.
