കഴിഞ്ഞദിവസം പിടിച്ചെടുത്ത മയക്കുമരുന്നുമായി ബന്ധപ്പെട്ടാണ് താരങ്ങൾക്ക് നർക്കോട്ടിക്സ് കൺട്രോൾ ബ്യൂറോ നോട്ടീസയച്ചത്. ബാഹുബലി താരം റാണാ ദഗ്ഗുബാട്ടി, രാകുൽ പ്രീത് സിംഗ്, രവി തേജ എന്നിവരെ കേസുമായി ബന്ധപ്പെട്ട് ചോദ്യം ചെയ്യും.
തെലങ്കാനയിൽ കഴിഞ്ഞദിവസം പിടിച്ചെടുത്ത മയക്കുമരുന്ന് താരങ്ങൾക്ക് വിതരണം ചെയ്യാൻ കൊണ്ടുവന്നതെന്നാണ് സൂചന. ഇതേതുടർന്നാണ് സെപ്റ്റംബർ എട്ടിന് ഹാജരാകാൻ മൂവർക്കും നർക്കോട്ടിക്സ് കൺട്രോൾ ബ്യൂറോ നോട്ടീസ് നൽകിയത്.
നേരത്തെ കള്ളപ്പണ കേസുമായി ബന്ധപ്പെട്ട് മൂവർക്കും ഇഡിയും നോട്ടീസ് നൽകിയിരുന്നു. പ്രശസ്ത സംവിധായകൻ പുരി ജഗന്നാഥിനെയും ഇത്തരത്തിൽ ഇഡി ചോദ്യം ചെയ്യുന്നുണ്ട്. 12 കേസുകളായി 30 ലക്ഷം രൂപയുടെ മയക്കുമരുന്നാണ് തെലങ്കാന എക്സൈസ് പിടിച്ചെടുത്തത്.
Story Highlights: Telugu super stars to face enquiry from Narcotics Control Bureau in drug case.
