നിരവധി സിനിമകളിൽ അഭിനയിച്ച തെലുങ്ക് സൂപ്പർതാരം നന്ദമുരി ബാലകൃഷ്ണ വിവാദ പ്രസ്താവനകളിലൂടെയും ശ്രദ്ധേയനാണ്.
പ്രശസ്ത സംഗീത സംവിധായകനായ എ ആർ റഹ്മാനെക്കുറിച്ചും ഭാരതരത്‌നയെക്കുറിച്ചുമുള്ള താരത്തിന്റെ പ്രസ്താവനയാണ് പുതിയ വിവാദങ്ങൾക്ക് വഴിതെളിച്ചത്.
തെലുങ്കിലെ പ്രാദേശിക ചാനലിലൂടെയാണ് ഇദ്ദേഹം വിവാദ പ്രസ്താവനകൾ നടത്തിയത്. “അവാർഡുകൾ ഒക്കെയും എന്റെ കാലിനു തുല്യമാണ്. ഞാനും എന്റെ കുടുംബവും തെലുങ്ക് സിനിമയ്ക്ക് നൽകിയ സംഭാവനകൾക്ക് തുല്യമല്ല ഒരു അവാർഡും. എ ആർ റഹ്മാൻ എന്ന ഒരാൾക്ക് ഓസ്കാർ ലഭിച്ചതായി കേട്ടിരുന്നു. ഇയാൾ ആരെന്ന് എനിക്ക് അറിയില്ല. എന്റെ അച്ഛൻ എൻടിആറിന്റെ കാലിലെ നഖത്തിന് തുല്യമാണ് ഭാരതരത്ന”- അദ്ദേഹം ചാനലിന് നൽകിയ അഭിമുഖത്തിൽ പറഞ്ഞു.
How can a senior actor like #Balakrishna talk about Indian legend #ARRahman? Will people accept if a similar thing is being spoken by a Tamil actor on #Rajamouli? pic.twitter.com/ILMPDvjsVe
— Troll Cinema ( TC ) (@Troll_Cinema) July 20, 2021
അതേസമയം ഹോളിവുഡ് സംവിധായകനായ ജെയിംസ് കാമറൂണുമായാണ് തെലുങ്ക് താരം സ്വയം താരതമ്യപ്പെടുത്തുന്നത്. അദ്ദേഹം ഷൂട്ടിംഗ് നീട്ടി കൊണ്ടു പോകുമ്പോൾ താൻ വേഗത്തിൽ തീർക്കാൻ ആണ് ആഗ്രഹിക്കുന്നതെന്ന് താരം പറഞ്ഞു.
Story Highlights: Telugu super star Nandamuri Balakrishna’s controversial remarks about A R Rahman.
