ടി ജെ ജ്ഞാനവേൽ സംവിധാനം ചെയ്യുന്ന സൂര്യയെ നായകനാക്കിയുള്ള പുതിയ സിനിമയുടെ പോസ്റ്റർ റിലീസ്‌ ചെയ്തു. ‘ജയ് ഭീം’ എന്ന് പേരിട്ടിരിക്കുന്ന ചിത്രത്തിൽ വക്കീൽ വേഷത്തിലാണ് സൂര്യ എത്തുന്നത്.
ഇത് സൂര്യയുടെ കരിയറിലെ 39-ാം ചിത്രമാണ്. ഫസ്റ്റ് ലുക്ക് പുറത്തെത്തിയിരിക്കുന്നത് നടന്റെ പിറന്നാളിനോടനുബന്ധിച്ചാണ്.
ചിത്രത്തിൽ നായികയായി എത്തുന്നത് രജിഷ വിജയനാണ്.രജിഷ തമിഴിൽ അരങ്ങേറ്റം കുറിച്ചത് ധനുഷ് നായകനായ ‘കർണ്ണനി’ലൂടെയായിരുന്നു.
മണികണ്ഠനാണ് രചനയും ചിത്രത്തിലെ ഒരു കഥാപാത്രത്തെ അവതരിപ്പിക്കുന്നതും. ചിത്രത്തിൽ പ്രകാശ് രാജ്, ലിജോമോൾ ജോസ് എന്നിവരും പ്രധാനകഥാപാത്രങ്ങളായി അണിനിരക്കുന്നു.
സൂര്യ തന്നെയാണ് 2ഡി എന്റർടെയ്ൻമെന്റിന്റെ ബാനറിൽ ചിത്രത്തിന്റെ നിർമ്മാണവും. ഛായാഗ്രഹണം എസ് ആർ കതിർ, എഡിറ്റിംഗ് ഫിലോമിൻ രാജ്, ആക്ഷൻ കൊറിയോഗ്രഫി അൻബറിവ്, വസ്ത്രാലങ്കാരം പൂർണ്ണിമ രാമസ്വാമി എന്നിവരും ചെയ്തിരിക്കുന്നു.
കൊവിഡ് രണ്ടാംതരംഗത്തിന്റെ വരവിനെത്തുടർന്ന് ചെന്നൈയിലും പരിസരപ്രദേശങ്ങളിലുമായി ആരംഭിച്ചിരുന്ന ചിത്രത്തിന്റെ ചിത്രീകരണം നിർത്തിവച്ചിരിക്കുകയാണ്.
Story highlight: Surya in the role of a lawyer in Jai Bhim.
