മലയാളത്തിലെ പ്രിയപ്പെട്ട താരസുന്ദരിമാർ ചേർന്ന് അടുത്തിടെ നൃത്ത വീഡിയോ പങ്കുവെച്ചിരുന്നു. നടിമാരായ ഭാവന, മൃദുല, രമ്യ നമ്പീശൻ, ശില്പ ബാല,ഗായിക സയനോര എന്നിവർ ചേർന്നാണ് മനോഹരമായ നൃത്തച്ചുവടുകൾ വെച്ചത്. വീഡിയോ സോഷ്യൽ മീഡിയയിൽ വൈറലാകുകയും ചെയ്തിരുന്നു.
വീഡിയോയെ പിന്തുണച്ച് ഒരുപാടുപേർ എത്തിയിരുന്നെങ്കിലും വിമർശകരും ഏറെയായിരുന്നു. സയനോരയുടെ വസ്ത്രധാരണത്തെ വിമർശിച്ചും ബോഡി ഷെയ്മിങ് നടത്തിയും നിരവധി പേരെത്തി.
ഇതിനൊക്കെ തക്കതായ മറുപടി നൽകി രംഗത്തെത്തി സയനോരയും രംഗത്തെത്തി. എന്റെ ജീവിതം, എന്റെ ശരീരം, എന്റെ വഴി എന്ന ഹാഷ്ടാഗിൽ അതേ വേഷത്തിലിരിക്കുന്ന ഫോട്ടോ സയനോര ഇൻസ്റ്റഗ്രാമിൽ പങ്കുവെച്ചു.
പ്രിയ സുഹൃത്തായ സയനോരയെ പിന്തുണച്ച് നൃത്തചുവടുകളുമായി എത്തിയിരിക്കുന്നത് സിത്താര കൃഷ്ണകുമാറും സംഘവുമാണ്. ഞങ്ങൾ പെൺകുട്ടികൾ ഒത്തുചേരുന്നത് ഒരു തെറാപ്പി പോലെയാണെന്നും ഞങ്ങൾ പരസ്പരം പിന്തുണയ്ക്കുന്നെന്നും സിത്താര പോസ്റ്റിൽ പറയുന്നു.
Story Highlights: Sithara Krishnakumar and friends posted a dance video as support to Sayanora.
