Actor Shine Tom Chacko Flees Hotel During DANSAF Raid

എറണാകുളം◾: എറണാകുളത്തെ ഒരു സ്വകാര്യ ഹോട്ടലിൽ ഡാൻസാഫ് പരിശോധന നടക്കുന്നതിനിടെ നടൻ ഷൈൻ ടോം ചാക്കോ മുറിയിൽ നിന്ന് ഓടി രക്ഷപ്പെട്ടു. ഇന്നലെ രാത്രി 10.58 ഓടെയാണ് കൊച്ചി ഡാൻസാഫ് യൂണിറ്റ് ഹോട്ടലിൽ പരിശോധനയ്ക്കെത്തിയത്. ഹോട്ടൽ മുറിയിൽ ലഹരി ഉപയോഗം നടക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ കൊച്ചി നാർക്കോട്ടിക്സ് എസിപിയുടെ നിർദേശപ്രകാരമായിരുന്നു പരിശോധന.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിശോധനയ്ക്കായി പൊലീസ് മുറിയിലേക്ക് പ്രവേശിക്കുന്നതിന് തൊട്ടുമുമ്പ് ഷൈൻ ടോം ചാക്കോ ജനൽ വഴി താഴേക്കിറങ്ങി റിസപ്ഷൻ വഴി ഓടി രക്ഷപ്പെടുകയായിരുന്നു. മുറിയിൽ നടത്തിയ പരിശോധനയിൽ ലഹരി വസ്തുക്കൾ കണ്ടെത്തിയില്ലെന്ന് പോലീസ് അറിയിച്ചു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

ഷൈൻ ടോം ചാക്കോയ്ക്കൊപ്പം മുറിയിൽ മറ്റൊരാൾ കൂടിയുണ്ടായിരുന്നു. പോലീസ് ഇയാളെ ചോദ്യം ചെയ്ത ശേഷം വിട്ടയച്ചു. ഷൈൻ ടോം ചാക്കോ ലഹരി വസ്തുക്കളുമായി ഓടി രക്ഷപ്പെട്ടോ എന്ന സംശയത്തിലാണ് പോലീസ്. അഞ്ചിലധികം പൊലീസ് ഉദ്യോഗസ്ഥർ പരിശോധനാ സംഘത്തിലുണ്ടായിരുന്നു. നടനെ ചോദ്യം ചെയ്യലിനായി വിളിപ്പിക്കുമെന്ന് പൊലീസ് അറിയിച്ചു.

ഷൈൻ ടോം വിവാദം: വിശദീകരണവുമായി മാല പാർവതി

Story Highlights: Actor Shine Tom Chacko fled a Kochi hotel room during a DANSAF raid.

ലഹരിമരുന്ന് കേസ്: ഷൈൻ ടോം ചാക്കോ ചോദ്യം ചെയ്യലിന് ഹാജർ