Shine Tom Chacko Summoned by Police in Kochi Drug Raid Case

കൊച്ചി◾: ലഹരിമരുന്ന് പരിശോധനയ്ക്കിടെ ഹോട്ടൽ മുറിയിൽ നിന്ന് ഓടിരക്ഷപ്പെട്ട നടൻ ഷൈൻ ടോം ചാക്കോ നാളെ പോലീസിന് മുന്നിൽ ഹാജരാകണമെന്ന് സെൻട്രൽ എസിപി നിർദേശിച്ചു. എറണാകുളം നോർത്ത് പോലീസ് സ്റ്റേഷനിൽ രാവിലെ 10 മണിക്ക് സെൻട്രൽ എസിപിക്ക് മുമ്പാകെയാണ് ഹാജരാകേണ്ടത്. നടന് നേരെ കേസോ പരാതിയോ ഇല്ലെങ്കിലും ലഹരി പരിശോധനയ്ക്കിടെയുള്ള ഓട്ടം ദുരൂഹത സൃഷ്ടിച്ചതിനാലാണ് നോട്ടീസ് നൽകി വിളിച്ചുവരുത്തുന്നത്. നിലവിൽ തമിഴ്നാട്ടിലുള്ള ഷൈൻ ഇന്ന് വൈകുന്നേരത്തോടെ തൃശൂരിലെ വീട്ടിലെത്തുമെന്നാണ് റിപ്പോർട്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പോലീസ് നടനോട് പ്രധാനമായും രണ്ട് ചോദ്യങ്ങളാണ് ചോദിക്കുക. ലഹരി കൈവശം ഉണ്ടായിരുന്നതുകൊണ്ടാണോ ഓടിയതെന്നും നേരത്തെ ലഹരി ഉപയോഗിച്ചതിന്റെ വൈദ്യപരിശോധനാ ഫലം ഭയന്നാണോ ഓടിയതെന്നും പോലീസ് വ്യക്തത തേടും. ഷൈൻ ഹോട്ടൽ മുറിയിൽ ലഹരി ഉപയോഗിച്ചതിന് തെളിവുകളൊന്നും പോലീസിന് ലഭിച്ചിട്ടില്ല. മുറിയിൽ നിന്ന് മദ്യക്കുപ്പി മാത്രമാണ് കണ്ടെടുത്തത്.

നഗരത്തിലെ ഒരു പ്രധാന ലഹരി വിൽപ്പനക്കാരനെ തേടിയാണ് പോലീസ് ഷൈനിന്റെ ഹോട്ടൽ മുറിയിൽ പരിശോധന നടത്തിയത്. ഷൈനിന്റെ മുറിയിൽ ഉണ്ടായിരുന്ന സുഹൃത്തുക്കളുടെ മൊഴികൾ രേഖപ്പെടുത്തിയിട്ടുണ്ട്. തെളിവുകളുടെ അഭാവത്തിൽ ഷൈനെതിരെ കേസെടുക്കില്ലെന്ന് പോലീസ് വ്യക്തമാക്കി. എക്സൈസും പ്രാഥമിക അന്വേഷണം ആരംഭിച്ചിട്ടുണ്ട്. വിശദമായ ചോദ്യം ചെയ്യൽ നടന്നതിന് ശേഷമേ തുടർ നടപടികളിലേക്ക് കടക്കൂ.

മുനമ്പം വിഷയത്തിൽ ബിജെപിയെ രൂക്ഷമായി വിമർശിച്ച് മുഖ്യമന്ത്രി

Story Highlights: Actor Shine Tom Chacko, who fled a hotel room during a drug raid in Kochi, has been summoned by police to appear tomorrow.

ഓപ്പറേഷൻ ഡി-ഹണ്ട്: 196 പേർ അറസ്റ്റിൽ