Shine Tom Chacko Summoned by Police After Hotel Escape

**കൊച്ചി◾:** ലഹരി പരിശോധനയ്ക്കിടെ ഹോട്ടലിൽ നിന്ന് ഓടി രക്ഷപ്പെട്ട സംഭവത്തിൽ നടൻ ഷൈൻ ടോം ചാക്കോയ്ക്ക് പോലീസ് നോട്ടീസ് നൽകി. നടന്റെ തൃശ്ശൂരിലെ വീട്ടിലെത്തിയാണ് നോട്ടീസ് നൽകുക. എറണാകുളം നോർത്ത് പോലീസ് സ്റ്റേഷനിൽ നാളെ രാവിലെ 10 മണിക്ക് നോർത്ത് എസ്ഐയുടെ മുമ്പാകെ ഹാജരാകാനാണ് നിർദ്ദേശം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷൈൻ ടോം ചാക്കോ താമസിച്ചിരുന്ന ഹോട്ടൽ മുറിയിൽ ഡാൻസാഫ് സംഘം പരിശോധനയ്ക്ക് എത്തിയപ്പോഴാണ് സംഭവം. എറണാകുളം നോർത്തിലെ ഹോട്ടലിന്റെ മൂന്നാം നിലയിൽ നിന്ന് ജനാല വഴി രണ്ടാം നിലയിലേക്ക് ചാടിയാണ് നടൻ രക്ഷപ്പെട്ടത്. തുടർന്ന് സ്റ്റെയർകേസ് വഴി പുറത്തേക്ക് ഓടുന്നതിന്റെ സിസിടിവി ദൃശ്യങ്ങളും പുറത്തുവന്നിരുന്നു.

ലഹരി പരിശോധനയ്ക്കിടെ ഹോട്ടലിൽ നിന്ന് ഓടി രക്ഷപ്പെട്ട നടൻ ഷൈൻ ടോം ചാക്കോ തമിഴ്നാട്ടിലാണെന്ന സൂചന ലഭിച്ചതായി പോലീസ് അറിയിച്ചു. നടന്റെ മൊബൈൽ ഫോണിന്റെ ടവർ ലൊക്കേഷൻ തമിഴ്നാട്ടിൽ ലഭിച്ചതായാണ് പോലീസ് പറയുന്നത്. ഹോട്ടലിൽ നിന്ന് ഇറങ്ങി ഓടിയ സംഭവത്തിൽ വിശദീകരണം തേടിയാണ് പോലീസ് നോട്ടീസ് നൽകിയിരിക്കുന്നത്.

സ്കൂള് സമയമാറ്റം: ഈ അധ്യയന വർഷവും മാറ്റമില്ല, അടുത്ത വർഷം ചർച്ചകൾ നടത്തും

Story Highlights: Actor Shine Tom Chacko has been served a notice to appear before the police in connection with his escape from a hotel during a drug raid.

കൊച്ചിയിൽ ഇന്ന് ജ്ഞാനസഭ; മോഹൻ ഭാഗവത് പങ്കെടുക്കും