വാഹന പരിശോധനയ്ക്കിടെ മൂന്നുവയസുകാരിയെ കാറിനുള്ളിൽ പൂട്ടിയിട്ട് പൊലീസ്.

വാഹന പരിശോധനയ്ക്കിടയിൽ മൂന്നുവയസ്സുകാരിയെ പൊലീസ് കാറിനുള്ളിൽ പൂട്ടിയിട്ടതായി പരാതി. താക്കോൽ നൽകാൻ അച്ഛനും അമ്മയും ആവശ്യപ്പെട്ടിട്ടും പൊലീസ് തയ്യാറായില്ല. തിരുവനന്തപുരം ബാലരാമപുരത്ത് കഴിഞ്ഞ ഫെബ്രുവരി 23 ന് രാവിലെ 11 മണിയോടെ ആയിരുന്നു സംഭവം നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുന്നത്തുകാൽ മണിവള സ്വദേശിയായ ഷിബു കുമാറും ഭാര്യ അഞ്ജന സുരേഷും 3 വയസുകാരിയായ മകളുമൊത്ത് തിരുവനന്തപുരത്തേക്കു കാറിൽ പോകുകയായിരുന്നു.അമിത വേഗം ആരോപിച്ച് പൊലീസ് യാത്രാമധ്യേ തടഞ്ഞു നിർത്തി 1500 രൂപ പിഴ ചുമത്തി.

കൈയിൽ 500 രൂപ മാത്രമാണുള്ളതെന്ന കാര്യം പൊലീസിനോട് ഷിബു ബോധ്യപ്പെടുത്തിയെങ്കിലും പൊലീസ് ചെവിക്കൊണ്ടില്ല. അവസാനം ഒരു മണിക്കൂർ കഴിഞ്ഞ് പിഴയടച്ച് മടങ്ങവെ അതിവേഗതയില് പോകുന്ന മറ്റ് വാഹനങ്ങളെ ഷിബു പൊലീസിന്റെ ശ്രദ്ധയിൽപ്പെടുത്തി.ഇതോടെ പൊലീസുദ്യോഗസ്ഥൻ ഷിബുവിനെ മർദിക്കാൻ ഒരുങ്ങുകയായിരുന്നു.

ഇതു കണ്ട ഷിബുവിന്റെ ഭാര്യ കുട്ടിയെ കാറിൽ തനിച്ചാക്കി ഷിബുവിന്റെ അടുത്തേക്ക് ചെന്നു. എന്നാൽ പ്രകോപിതനായ പൊലീസ് ഉദ്യോഗസ്ഥൻ കേസെടുക്കുമെന്ന് ആക്രോശിച്ചുകൊണ്ട് കാർ തുറന്ന് താക്കോല് ഊരി ഡോര് ലോക്ക് ചെയ്തു ശേഷം പൊലീസ് ജീപ്പിനടുത്തേക്ക് നടന്നുപോയി.

കേരള ഫിലിം ചേംബർ തിരഞ്ഞെടുപ്പ്; പ്രസിഡന്റ് സ്ഥാനത്തേക്ക് സജി നന്ത്യാട്ട്, ശശി അയ്യഞ്ചിറ, അനിൽ തോമസ് എന്നിവർ മത്സരരംഗത്ത്

കാറില് തനിച്ചായ 3 വയസ്സുകാരി നിലവിളിക്കുന്നുണ്ടായിരുന്നു. കുട്ടിയുടെ അമ്മയുടെ അഭ്യർത്ഥന പ്രകാരമാണ് പിന്നീട് കാർ തുറന്നുകൊടുത്തത്. 6 മാസം മുൻപ് ഉണ്ടായ സംഭവത്തില് അന്ന് പരാതിപ്പെട്ടിരുന്നില്ല.

Story highlight : Police locked three years old inside car.

വയനാട്ടിൽ പാസ്റ്ററെ ഭീഷണിപ്പെടുത്തിയ കേസിൽ ബജ്റംഗ്ദൾ പ്രവർത്തകർക്കെതിരെ കേസ്