കോട്ടയം – തിരുവനന്തപുരം സൂപ്പർ ഫാസ്റ്റ് ബസിൽ നിയമ വിദ്യാർത്ഥിനിയെ കടന്നുപിടിച്ച സർക്കാർ ജീവനക്കാരനെ പൊലീസ് അറസ്റ്റ് ചെയ്തു. ചെങ്ങന്നൂരിനും കാരയ്ക്കാടിനും മധ്യേയാണ് സംഭവം നടന്നത്. പത്തനംതിട്ട മൈലപ്ര സ്വദേശി സുരാജ് (36) ആണ് പിടിയിലായത്.
മൈനർ ഇറിഗേഷൻ വകുപ്പിലെ ഡിവിഷണൽ അക്കൗണ്ടന്റാണ് സുരാജ്. പെരുമ്പാവൂരുള്ള ഭാര്യ വീട്ടിൽ പോയി വരുവായിരുന്നു ഇയാൾ. സംഭവത്തെ തുടർന്ന് സുരാജിനെ പന്തളം പൊലീസ് കസ്റ്റഡിയിലെടുത്തു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
കേസ് ചെങ്ങന്നൂർ പൊലീസിന് കൈമാറുമെന്ന് അധികൃതർ അറിയിച്ചു. ബസ് യാത്രയ്ക്കിടയിൽ നടന്ന ഈ സംഭവം യാത്രക്കാരെ ഞെട്ടിച്ചു. നിയമ വിദ്യാർത്ഥിനിയുടെ പരാതിയിൽ പൊലീസ് സത്വര നടപടി സ്വീകരിച്ചതായി റിപ്പോർട്ടുകൾ സൂചിപ്പിക്കുന്നു.
