നടനും എംഎൽഎയുമായ മുകേഷിനെതിരെ പീഡന പരാതി ഉന്നയിച്ച നടിക്കെതിരെ പോക്സോ കേസ് രജിസ്റ്റർ ചെയ്തു. നടിയുടെ ബന്ധുവായ യുവതിയാണ് പരാതി നൽകിയത്. മൂവാറ്റുപുഽ പൊലീസാണ് യുവതിയുടെ മൊഴിയെടുത്ത ശേഷം പോക്സോ വകുപ്പുകൾ ചുമത്തി കേസെടുത്തത്.
യുവതിയുടെ പരാതിയിൽ, നടി തന്നെ ചെന്നൈയിലേക്ക് വിളിച്ചുവരുത്തി നിരവധി പേർക്ക് കാഴ്ചവെച്ചെന്ന് ആരോപിച്ചിരുന്നു. പ്രായപൂർത്തിയാകും മുമ്പാണ് ഈ അതിക്രമം നടന്നതെന്നും യുവതി മൊഴി നൽകി. സംസ്ഥാന പൊലീസ് മേധാവിക്ക് അയച്ച പരാതി മൂവാറ്റുപുഴ പൊലീസിന് കൈമാറുകയായിരുന്നു.
യുവതി സംസ്ഥാന പൊലീസ് മേധാവിക്ക് നൽകിയ പരാതിയിൽ, മുകേഷിനെതിരെ പരാതി കൊടുത്ത സ്ത്രീ സെക്സ് മാഫിയയുടെ ആളാണെന്നും ആരോപിച്ചിരുന്നു. ഈ പരാതി പ്രത്യേക അന്വേഷണ സംഘത്തിന് കൈമാറി. തനിക്കെതിരെ സമൂഹമാധ്യമങ്ങൾ വഴി വ്യാപക പ്രചാരണം നടക്കുന്നുണ്ടെന്നും യുവതി പറഞ്ഞു.
Story Highlights: POCSO case filed against actress who complained against actor-MLA Mukesh based on relative’s allegation of exploitation
