മധ്യപ്രദേശിലെ ഇൻഡോറിലാണ് സുഹൃത്തുക്കൾ ചേർന്ന് പെൺകുട്ടിയെ ബലാൽസംഗ പെടുത്തിയത്. 18 വയസുകാരിയെ ലഹരിമരുന്ന് നൽകി കൂട്ടബലാത്സംഗത്തിന് ഇരയാക്കുകയായിരുന്നു. സംഭവത്തിൽ പ്രതികളായ നാല് സുഹൃത്തുക്കൾക്ക് എതിരെ കേസെടുത്തു. ബലാത്സംഗ പ്രതികളിൽ പ്രായപൂർത്തിയാകാത്ത പെൺകുട്ടിയുമുണ്ട്.
സുഹൃത്തുക്കളോടൊപ്പം വിനോദയാത്രയ്ക്ക് പോയ പെൺകുട്ടിയെ ലഹരിമരുന്ന് ചേർത്ത ശീതളപാനീയം നൽകി ബോധരഹിതയാക്കി പീഡിപ്പിക്കുകയായിരുന്നു. മണിക്കൂറുകൾ കഴിഞ്ഞ് ബോധം വീണ്ടെടുത്ത പെൺകുട്ടി സംഭവ സ്ഥലത്ത് നിന്നും ഓടി രക്ഷപ്പെട്ടു.
തുടർന്ന് സമീപവാസികളുടെ പക്കൽ നിന്നും ഫോൺ വാങ്ങി മാതാപിതാക്കളെ വിവരമറിയിക്കുകയായിരുന്നു. മാതാപിതാക്കൾ ഉടൻ എത്തി കുട്ടിയെ കൂട്ടിക്കൊണ്ടുപോവുകയും പോലീസിൽ വിവരം അറിയിക്കുകയും ചെയ്തു.
പീഡനത്തിനിരയായ പ്ലസ്ടു വിദ്യാർത്ഥിനിയും പ്രതിയായ പെൺകുട്ടിയും സുഹൃത്തുക്കളായിരുന്നു. ഈ പെൺകുട്ടിയുടെ കാമുകനും അയാളുടെ രണ്ട് സുഹൃത്തുക്കളും ചേർന്നാണ് പീഡിപ്പിച്ചതെന്ന് പോലീസ് പറഞ്ഞു.
Story Highlights: Plus Two student Gangraped by friends.
