തിരുവോണത്തിന് മുമ്പ് ഓണകിറ്റ് വിതരണം പൂർത്തിയാകില്ല. ചില ഉല്‍പന്നങ്ങളുടെ കുറവിനെ തുടർന്ന് സപ്ലൈകോയ്ക്ക് കിറ്റുകള്‍ പൂര്‍ണമായും തയ്യാറാക്കാന്‍ കഴിയാത്തതാണ് കാരണം.
37 ലക്ഷം പേര്‍ക്ക് കിറ്റുകൾ ഇനിയും ലഭിക്കാനുണ്ട്. വിതരണം വേഗത്തിലാക്കണമെന്നാണ് ഭക്ഷ്യമന്ത്രിയുടെ നിർദേശം.
16ാം തീയതിക്കുള്ളിൽ മുഴുവന്‍ കിറ്റുകളും വിതരണം ചെയ്യണമെന്നായിരുന്നു ലക്ഷ്യം. എന്നാൽ 16 ഇനം കിറ്റിലെ ചില ഉല്‍പന്നങ്ങള്‍ പ്രതീക്ഷിച്ചത് പോലെ ലഭ്യമാക്കാനാവതെ പോയത് ലക്ഷ്യം പാളുന്നതിനടയായി.
ഉത്രാട ദിനം വരെയും ആയിരത്തിലധികം പാക്കിങ് സെന്‍ററുകളിലൂടെ കിറ്റുകൾ കൈമാറുന്നത് തുടരും. തിരുവോണത്തിന് മുൻപേ 75 ശതമാനമെങ്കിലും പൂര്‍ത്തിയാക്കുകയാണ് സപ്ലൈകോയുടെ ലക്ഷ്യം. കിറ്റ് വിതരണം ഈ മാസം തന്നെ പൂര്‍ത്തിയാക്കുമെന്നാണ് സപ്ലൈകോയുടെ ഉറപ്പ്.
Story highlight : Onam special kit distribution will not be completed before thiruvonam.
