മതവിദ്വേഷ പരാമർശം: നമോ ടിവി യുട്യൂബ് ചാനൽ ന‌ടത്തിപ്പുകാർ പിടിയിൽ

തിരുവല്ല : മതവിദ്വേഷമുണ്ടാക്കുന്ന പരാമർശം നടത്തിയെന്ന കേസിൽ യുട്യൂബ് ചാനൽ ന‌ടത്തിപ്പുകാരെ അറസ്റ്റ് ചെയ്തു.

തിരുവല്ല ആസ്ഥാനമായ നമോ ടിവി യുട്യൂബ് ചാനലിന്റെ സംഘാടകരെയാണ് തിരുവല്ല പൊലീസ് അറസ്റ്റ് ചെയ്തത്.

സംഭവത്തിൽ യുട്യൂബ് ചാനലിന്റെ ഉടമ രഞ്ജിത് ഏബ്രഹാം, അവതാരക ശ്രീജ വള്ളിക്കോട് എന്നിവരാണ് അറസ്റ്റിലായത്.

പ്രതിപക്ഷ നേതാവ് വി.ഡി.സതീശൻ അടക്കമുള്ളവർ മത വിദ്വേഷമുണ്ടാക്കുന്ന പരാമർശം നടത്തിയെന്ന് ചൂടിക്കാട്ടി ഇവർക്കെതിരെ പരാതിനൽകിയിരുന്നു.

പരാതിയെ തുടർന്ന് കഴിഞ്ഞ മാസം കേസെടുത്തെങ്കിലും പ്രതികൾ ഒളിവിലായിരുന്നു.ഹൈക്കോടതിയും മുൻകൂർ ജാമ്യാപേക്ഷ തള്ളിയതോടെയാണ് പ്രതികൾ പൊലീസിന് മുൻപാകെ ഹാജരായത്.

ഇവരുടെ ഓഫിസിൽനിന്ന് ഹാർഡ് ഡിസ്ക് ഉൾപ്പെടെയുള്ള സാധനങ്ങൾ പൊലീസ് പിടിച്ചെടുത്തിട്ടുണ്ട്.

Story highlight : Namo TV youtube channel owner and news presenter arrested.