കാസർകോട് ജില്ലയിൽ നടത്തിയ വൻ കഞ്ചാവ് വേട്ടയിൽ രണ്ട് സ്ഥലങ്ങളിൽ നിന്നായി 200 കിലോയിലധികം കഞ്ചാവ് പിടിച്ചെടുത്തു. രണ്ട് സ്ഥലങ്ങളിൽ നടന്ന സംഭവങ്ങളിൽ നിന്നായി രണ്ട് പേരെ പോലീസ് അറസ്റ്റ് ചെയ്തു.ആദൂർ, ചെട്ടുംകുഴി എന്നിവിടങ്ങളിൽ നിന്നാണ് കഞ്ചാവ് പിടികൂടിയത്.
നാർക്കോട്ടിക് കൺട്രോൾ ബ്യറോയും പോലീസും ചേർന്ന് നടത്തിയ പരിശോധനയിലാണ് ആദൂരിൽ നിന്നും കഞ്ചാവ് കണ്ടെത്തിയത്.സംഭവത്തിൽ വിദ്യാനഗർ സ്വദേശി സുബൈർ അബ്ബാസിനെ അറസ്റ്റ് ചെയ്തിട്ടുണ്ട്.ഇയാളിൽ നിന്നും കാറിൽ ഒളിപ്പിച്ച് കടത്താൻ ശ്രമിക്കുകയായിരുന്ന 128 കിലോ കഞ്ചാവാണ് പിടിച്ചെടുത്തത്.ആന്ധ്രാപ്രദേശിൽ നിന്നുമാണ് ഇയാൾ ജില്ലയിലേക്ക് കഞ്ചാവ് എത്തിച്ചിരുന്നത്.
ചെട്ടുംകുഴിയിൽ നിന്നും 114 കിലോ കഞ്ചാവാണ് പിടികൂടിയത്.വാഹനപരിശോധനയ്‌ക്കിടെയാണ് ഇത്രയധികം കഞ്ചാവ് കണ്ടെത്തിയത്.സംഭവത്തിൽ പ്രദേശവാസിയായ അജ്മലിനെ അറസ്റ്റ് ചെയ്തു.കാസർകോട് എക്‌സൈസ് സ്‌പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ ജോയ് ജോസഫിന്റെ നേതൃത്വത്തിൽ നടത്തിയ പരിശോധനയിലാണ് കഞ്ചാവ് കണ്ടെത്തിയത്.
Story highlights : More than 200 kg of cannabis was seized from two places in Kasaragod.
