രണ്ടാമത്തെ തവണയാണ് ചന്ദ്രിക കള്ളപ്പണക്കേസുമായി ബന്ധപ്പെട്ട് പി.കെ കുഞ്ഞാലിക്കുട്ടി ഇ.ഡിക്ക് മുന്നിൽ ഹാജരാകാൻ സാവകാശം ആവശ്യപ്പെടുന്നത്.
കഴിഞ്ഞ 9 ആം തീയതി ഹാജരാകണമെന്ന് നോട്ടീസ് നൽകിയിരുന്നുവെങ്കിലും അന്നും ഹാജരാവാൻ സാധിക്കില്ല മറ്റൊരു ദിവസം അനുവദിക്കണമെന്നായിരുന്നു കുഞ്ഞാലിക്കുട്ടിയുടെ ആവശ്യം.
തുടർന്ന് ഇന്ന് ഹാജരാകാൻ നോട്ടീസ് അയച്ചിരുന്നു. എന്നാൽ തനിക്ക് ശാരീരിക അസ്വസ്ഥതകൾ മൂലം ഹാജരാകാൻ സാധിക്കില്ലെന്ന് കുഞ്ഞാലിക്കുട്ടി എൻഫോർസ്‌മെന്റ് ഡയറക്ടറേറ്റിൽ അറിയിച്ചു.
എന്നാലിതുവരെയും എൻഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥർ അദ്ദേഹത്തിനെ മറുപടി അറിയിച്ചിട്ടില്ല.
മാത്രമല്ല അദ്ദേഹത്തിന്റെ മകനോടും, ഹൈദരലി ശിഹാബ് തങ്ങളുടെ മകനോടും ഹാജരാകാൻ ഇ.ഡി നിർദേശിച്ചിട്ടുണ്ട്.
ചന്ദ്രികയിൽ 10 കോടിയുടെ കള്ളപ്പണം വെളുപ്പിച്ചുവെന്നാണ് പരാതി. കുഞ്ഞാലിക്കുട്ടിയുടെ മൊഴിയെടുത്ത ശേഷം എൻഫോഴ്‌സ്‌മെന്റ് ഡയറക്ടറേറ്റ് കൂടുതൽ നടപടികൾ സ്വീകരിക്കും.
Story highlight: Kunhalikutty won’t attend in front of ED.
