കഴക്കൂട്ടത്ത് ഒരു പെൺകുട്ടിയെ ഫ്ലാറ്റിൽ കയറി ബലാത്സംഗം ചെയ്ത സംഭവത്തിൽ പ്രതിയായ കൂപ്പർ ദീപു മധുരയിൽ ഒളിവിൽ കഴിയുന്നതായി സൂചന ലഭിച്ചതായി കഴക്കൂട്ടം പൊലീസ് അറിയിച്ചു. കഴക്കൂട്ടം എ സി പി നിയാസിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. അപ്പാർട്ടുമെന്റിൽ കയറി പെൺകുട്ടിക്ക് ബലമായി മദ്യം നൽകി ബലാത്സംഗം ചെയ്തെന്നാണ് കേസ്.
രണ്ട് ദിവസം മുമ്പാണ് അതിക്രമം നടന്നതെന്ന് പെൺകുട്ടി നൽകിയ പരാതിയിൽ പറയുന്നു. കഴക്കൂട്ടം പൊലീസ് സ്റ്റേഷൻ പരിധിയിലുള്ള അപ്പാർട്ട്മെന്റിലാണ് പെൺകുട്ടി താമസിക്കുന്നത്. സുഹൃത്തുമായി ബന്ധപ്പെട്ട് ചിലകാര്യങ്ങൾ സംസാരിക്കാനുണ്ടെന്ന് പറഞ്ഞാണ് ദീപു എത്തിയത്. ഫ്ലാറ്റിലെത്തിയ സുഹൃത്തിന്റെ സുഹൃത്ത് ദീപുവാണ് പീഡനത്തിന് ഇരയാക്കിയത്.
ഇതിനിടെ ബലമായി മദ്യം കുടിപ്പിച്ച് ക്രൂരമായി ബലാത്സംഗം ചെയ്യുകയായിരുന്നു. പീഡന ദൃശ്യങ്ങൾ മൊബൈലിൽ പകർത്തിയെന്നും പരാതിയിൽ പറയുന്നു. പ്രതി കൂപ്പർ ദീപുവിനെ കണ്ടെത്താനുള്ള ശ്രമങ്ങൾ പൊലീസ് തുടരുകയാണ്.
Story Highlights: Kazhakuttam police investigating rape case, suspect Cooper Deepu believed to be hiding in Madurai
