ഐ.സി.എസ്‌.ഇയുടെ പത്താംക്ലാസ് പരീക്ഷാഫലവും ഐ.എസ്‌.സിയുടെ പന്ത്രണ്ടാം ക്ലാസ് പരീക്ഷ ഫലവുമാണ് പ്രഖ്യാപിച്ചത്. 99.98% ആണ് ഐ.സി.എസ്‌.ഇ പത്താം ക്ലാസ് പരീക്ഷയുടെ വിജയശതമാനം. 99.76% ആണ് ഐ.എസ്‌.സി പന്ത്രണ്ടാം ക്ലാസ് പരീക്ഷയുടെ വിജയശതമാനം.
കോവിഡ് പശ്ചാത്തലത്തിൽ ഐ.സി.എസ്‌.ഇ, ഐ.എസ്‌.സി പൊതു പരീക്ഷകൾ റദ്ദാക്കി ഇന്റെർണൽ മാർക്കിന്റെ അടിസ്ഥാനത്തിലായിരുന്നു ഫലപ്രഖ്യാപനം. പുനർ മൂല്യ നിർണയവും 10,12 ക്ലാസുകളിലെ മെറിറ്റ് പ്രസിദ്ധീകരണവും അസാധാരണ സാഹചര്യം കണക്കിലെടുത്ത് ഉണ്ടായിരിക്കുന്നതല്ലെന്ന് അറിയിച്ചു.
ഓഗസ്റ്റ് ഒന്നിന് മുൻപായി വ്യക്തിഗത മാർക്കുകളിൽ വിദ്യാർഥികൾക്ക് പരാതിയുണ്ടെങ്കിൽ സ്കൂളുകൾ വഴി ബോർഡിനെ അറിയിക്കണമെന്നും വ്യക്തമാക്കി.
09248082883 എന്ന നമ്പറിലേക്ക് ICSE എന്ന് ടൈപ്പ് ചെയ്ത് സ്പേസ് ഇട്ടു വിദ്യാർത്ഥിയുടെ ഐഡിയും അയച്ചാൽ പത്താം ക്ലാസ് ഫലം ലഭിക്കുന്നതാണ്.
09248082883 എന്ന നമ്പറിലേക്ക് ISC എന്ന് ടൈപ്പ് ചെയ്ത് സ്പേസ് ഇട്ട് വിദ്യാർത്ഥിയുടെ ഐഡിയും അയച്ചാൽ പന്ത്രണ്ടാം ക്ലാസ് ഫലം ലഭിക്കുന്നതാണ്.
Story Highlights: ICSE Results declared today.
