Gopan Swami Samadhi Case: Tomb Demolition Postponed

നെയ്യാറ്റിൻകരയിലെ ഗോപൻ സ്വാമിയുടെ സമാധി ഇന്ന് പൊളിക്കേണ്ടതില്ലെന്ന് അധികൃതർ തീരുമാനിച്ചു. നെയ്യാറ്റിൻകര പോലീസ് സ്റ്റേഷനിൽ സബ് കളക്ടറുടെ നേതൃത്വത്തിൽ നടന്ന ചർച്ചയിലാണ് ഈ തീരുമാനമെടുത്തത്. സമാധി പൊളിക്കുന്നത് ക്രമസമാധാന പ്രശ്നങ്ങൾക്ക് കാരണമാകുമെന്ന വിലയിരുത്തലാണ് നടപടിക്ക് കാരണം. ഗോപൻ സ്വാമിയുടെ കുടുംബം സമാധി പൊളിക്കുന്നതിനെതിരെ നിയമനടപടി സ്വീകരിക്കാനൊരുങ്ങുകയാണ്. സമാധി പൊളിക്കുന്നതിനെതിരെ സ്റ്റേ ആവശ്യപ്പെട്ടാകും കുടുംബം കോടതിയെ സമീപിക്കുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജില്ലാ കളക്ടറുടെ ഉത്തരവുമായി പോലീസും ഫോറൻസിക് സംഘവും സ്ഥലത്തെത്തിയപ്പോൾ നാട്ടുകാരുടെയും കുടുംബാംഗങ്ങളുടെയും പ്രതിഷേധമാണ് നേരിടേണ്ടി വന്നത്. കല്ലറയ്ക്ക് സമീപം കുടുംബാംഗങ്ങൾ കുത്തിയിരുന്ന് പ്രതിഷേധിച്ചു. ആചാരപ്രകാരം അടക്കിയ അച്ഛന്റെ സമാധി ഒരു നോട്ടീസ് പോലും നൽകാതെ പൊളിക്കാൻ ശ്രമിക്കുന്നതിനെതിരെയായിരുന്നു കുടുംബത്തിന്റെ പ്രതിഷേധം. പിന്നീട് സമാധി തുറക്കുന്നതിനെതിരെ പ്രതിഷേധവുമായി മറ്റു ചിലരും രംഗത്തെത്തി.

നെയ്യാറ്റിൻകര സമാധി വിവാദം: കല്ലറ തുറക്കാൻ പൊലീസ്; കുടുംബം എതിർപ്പുമായി രംഗത്ത്

സമാധി തുറക്കണമെന്ന് ആവശ്യപ്പെടുന്നവരും തുറക്കരുതെന്ന് പറയുന്നവരും തമ്മിൽ തർക്കമുണ്ടായി. സ്ഥലത്ത് സംഘർഷാവസ്ഥ നിലനിന്നതിനെ തുടർന്ന് നടപടി നിർത്തിവയ്ക്കാൻ സബ് കളക്ടർ തീരുമാനിച്ചു. കുടുംബത്തിന്റെ ഭാഗം കേൾക്കുമെന്നും കൂടുതൽ സമയം വേണ്ടിവരുമെന്നും സബ് കളക്ടർ അറിയിച്ചു. ക്ഷേത്ര സംരക്ഷണ സമിതി പ്രവർത്തകൻ വർഗീയത പറയുന്നുവെന്നാരോപിച്ച് നാട്ടുകാരും രംഗത്തെത്തി.

ഗോപൻ സ്വാമിയുടെ കല്ലറ പൊളിക്കുമെന്നും എന്നാണ് പൊളിക്കേണ്ടതെന്ന തീരുമാനം നാളെ എടുക്കുമെന്നും സബ് കളക്ടർ ഒ വി ആൽഫ്രഡ് പറഞ്ഞു. എല്ലാ നടപടികളും നിയമപരമായിട്ടാണെന്നും ജില്ലാ ഭരണകൂടം കുടുംബത്തെ അറിയിച്ചിട്ടുണ്ടെന്നും അദ്ദേഹം വ്യക്തമാക്കി. മതപരമായ വിഷയമുണ്ടാക്കാൻ ശ്രമിക്കുന്നില്ലെന്നും സംഭവത്തിലെ അസ്വാഭാവികത പുറത്തുകൊണ്ടുവരിക മാത്രമാണ് ലക്ഷ്യമെന്നും സബ് കളക്ടർ കൂട്ടിച്ചേർത്തു.

നിലമ്പൂർ വനം ഓഫീസ് ആക്രമണം: പി.വി. അൻവർ എം.എൽ.എയ്ക്ക് ജാമ്യം

Story Highlights: The tomb of Gopan Swami in Neyyatinkara will not be demolished today due to concerns about law and order issues.