Body Found in Gopan Swami's Tomb in Neyyattinkara

നെയ്യാറ്റിൻകരയിൽ ഗോപൻ സ്വാമിയുടെ വിവാദമായ കല്ലറ പൊളിച്ചു. മൃതദേഹം ഇരിക്കുന്ന നിലയിലാണ് കണ്ടെത്തിയത്. കല്ലറയിൽ നിന്ന് ഭസ്മവും പൂജാദ്രവ്യങ്ങളും കണ്ടെടുത്തതായി പോലീസ് അറിയിച്ചു. കല്ലറയുടെ മേൽഭാഗം ആദ്യം പൊളിച്ചെടുത്ത ശേഷമാണ് മുഴുവൻ ശരീരവും കണ്ടെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴുത്തുവരെ ഭസ്മം പുരട്ടിയ നിലയിലായിരുന്നു മൃതദേഹം. ശരീരം അഴുകിയ നിലയിലായിരുന്നുവെന്നും പോലീസ് വ്യക്തമാക്കി. പോലീസ് ഇൻക്വസ്റ്റ് നടപടികൾ പൂർത്തിയാക്കി. മെഡിക്കൽ കോളജിൽ പോസ്റ്റ്മോർട്ടം നടത്താനാണ് തീരുമാനം.

റൂറൽ എസ്പി കെ. എസ്. സുദർശനനാണ് കേസിന്റെ മേൽനോട്ടം വഹിക്കുന്നത്. മൃതദേഹം അഴുകിയ നിലയിലായതിനാൽ സ്ഥലത്തുതന്നെ പോസ്റ്റ്മോർട്ടം നടത്തുന്നത് പരിഗണിച്ചിരുന്നു.

ഇതിനായി ഫോറൻസിക് വിദഗ്ധരെ സ്ഥലത്തു നിയോഗിച്ചിരുന്നു. എന്നാൽ, മെഡിക്കൽ കോളജിൽ പോസ്റ്റ്മോർട്ടം നടത്തുന്നതാണ് ഉചിതമെന്ന് തീരുമാനിക്കുകയായിരുന്നു. ഗോപൻ സ്വാമിയുടെ മരണ സർട്ടിഫിക്കറ്റ് എവിടെയെന്ന് ഹൈക്കോടതി ചോദിച്ചിരുന്നു. മരണ സർട്ടിഫിക്കറ്റ് ഇല്ലെങ്കിൽ അസ്വാഭാവിക മരണമായി കണക്കാക്കുമെന്നും കോടതി വ്യക്തമാക്കിയിരുന്നു.

അഫാൻ ആത്മഹത്യക്ക് ശ്രമിച്ച സംഭവത്തിൽ ജയിൽ ഉദ്യോഗസ്ഥർക്ക് വീഴ്ചയില്ലെന്ന് റിപ്പോർട്ട്.

കല്ലറ തുറക്കാൻ പോലീസിന് അധികാരമുണ്ടെന്ന് ഹൈക്കോടതി നേരത്തെ വ്യക്തമാക്കിയിരുന്നു. കുടുംബത്തിന്റെ ഹർജിയിൽ സർക്കാരിന് നോട്ടീസ് അയച്ചിരുന്നു. ഹൈന്ദവ സംഘടനകളുമായി കൂടിയാലോചിച്ച ശേഷം തീരുമാനമെടുക്കുമെന്ന് ഗോപൻ സ്വാമിയുടെ മകൻ സനന്ദൻ പ്രതികരിച്ചിരുന്നു.

Story Highlights: Gopan Swami’s controversial tomb in Neyyattinkara was opened, revealing a decomposed body inside, leading to a police inquest and post-mortem examination.

മഹാത്മാ സാംസ്കാരിക വേദി : അഭിനന്ദന സദസ്സ് ഇന്ന്