പട്ന : ഒരു കുടുംബത്തിലെ നാലു പേരെ മാവോയിസ്റ്റുകൾ തൂക്കിക്കൊന്നു.ശനിയാഴ്ച രാത്രി ദുമാരിയ ഗ്രാമത്തിലാണ് സംഭവം നടന്നത്.
വീടിനു ബോംബു വച്ചു തകർത്ത ശേഷം സമീപത്തായി നാലു പേരെ തൂക്കിക്കൊല്ലുകയായിരുന്നു.
ഇരുപത്തിയഞ്ചോളം പേരുൾപ്പെട്ട മാവോയിസ്റ്റ് സംഘമാണ് ആക്രമണം നടത്തിയത്.
സംഭവത്തിൽ സഹോദരന്മാരായ സതേന്ദ്ര സിങ്, മഹേന്ദ്രസിങ്, ഭാര്യമാരായ മനോരമ ദേവി, സുനിത സിങ് എന്നിവരാണു കൊല്ലപ്പെട്ടത്.
മാർച്ചിൽ പൊലീസുമായുള്ള ഏറ്റുമുട്ടലിൽ ഗയയിൽ നാലു മാവോയിസ്റ്റുകൾ കൊല്ലപ്പെട്ട സംഭവത്തിനു പ്രതികാരമായാണ് ഗ്രാമീണർക്കെതിരെ മാവോയിസ്റ്റുകൾ ആക്രമണം നടത്തിയത്.
മാവോയിസ്റ്റുകളെ കുറിച്ചുള്ള രഹസ്യ വിവരം പൊലീസിനു നൽകിയത് ഈ ഗ്രാമീണരാണെന്ന സംശയത്തിലാണ് ഇവർക്കെതിരെ ആക്രമണം നടത്തിയത്.
സംഭവ സ്ഥലത്ത് മാവോയിസ്റ്റുകൾ പതിപ്പിച്ച പോസ്റ്ററുകളിലും ഇക്കാര്യം ചൂണ്ടിക്കാട്ടിയിട്ടുണ്ട്.
Story highlight : Four members of a family were hanged by the Maoists in Bihar.
