ഉത്തർപ്രദേശ് മുൻ മന്ത്രിയും ബിജെപി നേതാവുമായ ആത്മാറാം തോമറിനെ സ്വന്തം വസതിയിൽ മരിച്ചനിലയിൽ കണ്ടെത്തി. ഉത്തർപ്രദേശ് ബാഗ്പതിലെ വീട്ടിൽ കഴുത്തിൽ ടവൽ കൊണ്ട് ചുറ്റിയ നിലയിലാണ് മൃതദേഹം കണ്ടെത്തിയത്.
ആത്മാറാം തോമറിന്റെ സഹോദരൻ വിജയ് ഇന്ന് രാവിലെ ബാഗ്പതിലെ വീട്ടിലെത്തിയപ്പോഴാണ് മരിച്ച നിലയിൽ അദ്ദേഹത്തെ കണ്ടെത്തിയത്. കുടുംബാംഗങ്ങളാരും സംഭവസമയത്ത് വീട്ടിൽ ഉണ്ടായിരുന്നില്ല. കൂടാതെ ഇദ്ദേഹത്തിന്റെ മൊബൈൽ ഫോണും കാറും കാണാനില്ലെന്നും പൊലീസ് റിപ്പോർട്ടിൽ പറയുന്നു.
Former UP Minister and BJP leader Atmaram Tomar found dead at his residence in Baghpat
— ANI UP (@ANINewsUP) September 10, 2021
"His door was locked from outside. His family has filed a complaint and made allegations against some of their close relatives," says SP Neeraj Kumar Jadaun pic.twitter.com/R8LlHEnhgD
സംഭവം കൊലപാതകമാണെന്ന് സംശയിക്കുന്നതായി പോലീസ് പറഞ്ഞു. ഡോഗ് സ്ക്വാഡും ഫോറൻസിക് സംഘവും സംഭവസ്ഥലത്തെത്തി പരിശോധന നടത്തിയിരുന്നു. കൂടുതൽ വിശദമായ അന്വേഷണം നടത്തുമെന്ന് പോലീസ് അറിയിച്ചു.
Story Highlights: Former UP Minister Athmaram Thomar Found Dead.
