13 വയസ്സുകാരനായ മകനെ കാര്‍ ഡ്രൈവിംഗ് ഏല്‍പ്പിച്ച പിതാവിനെ പോലീസ് അറസ്റ്റ് ചെയ്തു. തിരുവനന്തപുരം കളിയിക്കാവിള സ്വദേശി സുരേന്ദ്രകുമാറാണ് പോലീസ് കസ്റ്റഡിയിലായത്.
ചാത്തന്നൂര്‍ ജംഗ്ഷനില്‍വച്ച് ചൊവ്വാഴ്ച രാത്രി 8 മണിയോടെയാണ് ഇയാൾ പൊലീസ് പിടിയിലായത്. ചെറിയ കുട്ടിയെ ഡ്രൈവിംഗ് സീറ്റില്‍ കണ്ട യാത്രക്കാരില്‍ ചിലര്‍ പോലീസിൽ വിവരമറിയിക്കുകയും തുടര്‍ന്ന് പൊലീസ്, വാഹനത്തെ പിന്തുടർന്ന് പിടികൂടുകയായിരുന്നു.
തിരുവനന്തപുരത്തുനിന്നും മലപ്പുറത്തേക്കുള്ള യാത്രയിയിൽ മദ്യപിച്ച് ലക്കുകെട്ട് വാഹനം ഓടിക്കാന്‍ കഴിയാത്ത അവസ്ഥയിലായിരുന്നു സുരേന്ദ്രകുമാര്‍. ജുവനൈല്‍ ജസ്റ്റിസ് ആക്ട്, മോട്ടോര്‍ വെഹിക്കിള്‍ ആക്ട് എന്നിവ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. പരിശോധനയില്‍ കാറിന് ഇന്‍ഷുറന്‍സ് ഇല്ലാത്തതായും കണ്ടെത്തിയിരുന്നു.
Story highlight: Father arrested for driving car using 13 year old son.
