കൃഷി ഭൂമിയില്‍ കഞ്ചാവ് കൃഷി നടത്തുന്നതിനായി അനുമതി തേടി കര്‍ഷകന്‍. മഹാരാഷ്ട്രയിൽ സോലാപൂര്‍ സ്വദേശി അനില്‍ പാട്ടീല്‍ ആണ് കഞ്ചാവ് കൃഷി നടത്തുന്നതിനായി ജില്ലാ കലക്ടറുടെ അനുമതി തേടിയത്.
നിലവില്‍ കൃഷി ചെയ്യുന്ന വിളകള്‍ക്കൊന്നുംതന്നെ കാര്യമായ വില ലഭിക്കുന്നില്ല. എന്നാല്‍ കഞ്ചാവിനാകട്ടെ നല്ല വിലയുണ്ട്.ഈ സാഹചര്യത്തിൽ, സെപ്റ്റംബര്‍ 15ന് മുൻപായി അപേക്ഷയില്‍ മറുപടി തരണമെന്നും ഇല്ലാത്തപക്ഷം സെപ്റ്റംബര്‍ 16 മുതല്‍ മൗനം സമ്മതമായെടുത്തുകൊണ്ട് കഞ്ചാവ് കൃഷി തുടങ്ങുമെന്നും അപേക്ഷയില്‍ പറഞ്ഞിട്ടുണ്ട്.
കഞ്ചാവ് കൃഷി ആരംഭിച്ച ശേഷം നിയമനടപടികൾ സ്വീകരിച്ചാൽ ജില്ലാ അധികൃതര്‍ക്കായിരിക്കും അതിന്റെ ഉത്തരവാദിത്തമെന്നും അപേക്ഷയിലുണ്ട്. പൊലീസിന് കലക്ടര്‍ അപേക്ഷ കൈമാറി. ശ്രദ്ധ പിടിച്ചുപറ്റാനുള്ള തന്ത്രമാണ് ഈ അപേക്ഷയെന്നും ഇയാൾ കഞ്ചാവ് കൃഷി നടത്തിയാൽ അറസ്റ്റ് ചെയ്യുമെന്നും പൊലീസ് വ്യക്തമാക്കി.
Story highlight : Farmer seeks permission for the cultivation of cannabis.
