ഫേസ്ബുക്ക് സൗഹൃദം: വിവാഹവാഗ്ദാനം നൽകി 11 ലക്ഷം തട്ടിയെടുത്തു.

ഫേസ്ബുക്കിലൂടെ പരിചയപ്പെട്ട യുവാവിൽ നിന്നും 11 ലക്ഷം രൂപ തട്ടിയെടുത്ത യുവതി പിടിയിൽ. യുവതിയുടെ ഭർത്താവിനെയും പോലീസ് കസ്റ്റഡിയിലെടുത്തിട്ടുണ്ട്. കൊട്ടാരക്കര പുത്തൂർ പവിത്രേശ്വരം സ്വദേശികളായ പാർവ്വതി ടി.പിള്ള (31), സുനിൽ ലാൽ (43) എന്നിവരാണ് പോലീസ് പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2020 ഏപ്രിലിലാണ് പന്തളം കുളനട സ്വദേശിയും യുവതിയും തമ്മിൽ ഫേസ്ബുക്കിലൂടെ പരിചയപ്പെട്ടത്. പാങ്ങോടുള്ള സ്വകാര്യ സ്കൂളിലെ അദ്ധ്യാപികയാണെന്നും താൻ അവിവാഹിതയാണെന്നും യുവാവിനെ ധരിപ്പിച്ചു. കൂടാതെ തനിക്ക് പത്തു വയസുള്ളപ്പോൾ മാതാപിതാക്കൾ മരിച്ചെന്നും യുവാവിനോട് പറഞ്ഞു.

സ്വത്തുക്കളുടെ പേരിൽ കേസ് നടക്കുകയാണെന്നും യുവാവിനെ ഇവർ ധരിപ്പിച്ചു. തുടർന്ന് കേസ് നടത്തിപ്പിനും ചികിത്സാ ചിലവുകൾക്കുമായി
യുവാവിൽ നിന്നും പണം വാങ്ങി. 8000 രൂപയ്ക്ക് ഇന്നോവ കാറും 11,07,975 ലക്ഷം രൂപയും യുവാവിൽ നിന്നും ഇവർ കൈക്കലാക്കി.

സി-ഡിറ്റ് തിരുവനന്തപുരത്ത് മീഡിയ കോഴ്സുകൾക്ക് അപേക്ഷിക്കാം

വിവാഹത്തെക്കുറിച്ച് യുവതിയോട് സംസാരിച്ചപ്പോൾ ഒഴിഞ്ഞുമാറിയതിനെ തുടർന്നാണ് വീട് അന്വേഷിച്ച് യുവാവ് എത്തിയത്. തുടർന്ന് താൻ കബളിക്കപ്പെടുകയായിരുന്നെന്ന് മനസ്സിലാക്കിയ യുവാവ് പന്തളം പോലീസിൽ പരാതി നൽകി. ഇതിനെ തുടർന്നാണ് പോലീസ് ദമ്പതികളെ അറസ്റ്റ് ചെയ്തത്.

Story Highlights: Couples arrested for Cheating Youth Via Facebook

സി-ഡിറ്റ് തിരുവനന്തപുരത്ത് മീഡിയ കോഴ്സുകൾക്ക് അപേക്ഷിക്കാം