കൊല്ലം : ചവറ ചേന്നങ്കര മുക്കില്‍ യൂത്ത് കോണ്‍ഗ്രസ് പ്രവര്‍ത്തകര്‍ക്ക് നേരെ അക്രമണം.
യൂത്ത് കോണ്‍ഗ്രസ് ബ്ലോക്ക് വൈസ് പ്രസിഡന്റ് ജോയ് മോന്‍, സനൂപ് എന്നിവരെ വെട്ടിപരിക്കേൽപ്പിക്കുകയായിരുന്നു.
അക്രമത്തിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. ഇന്നലെ വൈകിട്ട് ഏഴ് നാല്‍പ്പതോടെയായിരുന്നു സംഭവം നടന്നത്.
ആക്രമണത്തിന് പിന്നിൽ ഡിവൈഎഫ്‌ഐ പ്രവര്‍ത്തകനാണെന്നാണ് യൂത്ത് കോണ്‍ഗ്രസ് ജില്ലാ നേതൃത്വത്തിന്റെ ആരോപണം.
ആക്രമണത്തിന് പിന്നിൽ പ്രവീണ്‍ എന്നയാളാണെന്നും,ചില പ്രാദേശിക തര്‍ക്കങ്ങളാണ് അക്രമത്തിനു ഇടയാക്കിയതെന്നും യൂത്ത് കോണ്‍ഗ്രസ് ജില്ലാ പ്രസിഡന്റ് അരുണ്‍ രാജ് ചൂണ്ടിക്കാട്ടി.
എന്നാല്‍ ക്ഷേത്രോല്‍സവവുമായി ബന്ധപ്പെട്ട തര്‍ക്കമാണ് അക്രമത്തില്‍ കലാശിച്ചതെന്നും അക്രമിക്ക് ഡിവൈഎഫ് ഐയുമായി ബന്ധമില്ലെന്നുമാണ് ഡിവൈഎഫ്‌ഐ ജില്ലാ നേതൃത്വത്തിന്റെ വിശദീകരണം.
Story highlight : Attack against Youth Congress activists in Chavara, kollam.
