ബെംഗളൂരുവിലെ ഇന്ദിരാ നഗറിലെ അപ്പാർട്ട്‌മെന്റിൽ ആസാം സ്വദേശിനിയായ വ്ലോഗർ മായ ഗാഗോയി കൊല്ലപ്പെട്ട നിലയിൽ കണ്ടെത്തി. യുവതിയുടെ നെഞ്ചിൽ ഒന്നിലധികം തവണ കുത്തേറ്റതായി പൊലീസ് അറിയിച്ചു. അപാർട്ട്മെന്റിൽ ആൺ സുഹൃത്തിനൊപ്പം മുറിയെടുത്ത് താമസിക്കുകയായിരുന്നു മായ.
കൊലപാതകത്തിന് പിന്നിൽ കണ്ണൂർ സ്വദേശിയായ ആരവ് എന്ന യുവാവാണെന്ന സംശയത്തിലാണ് നിലവിൽ പൊലീസ്. ആരവ് യുവതിയുടെ കാമുകനാണെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇക്കഴിഞ്ഞ ശനിയാഴ്ച യുവതിയും ആരവും അപ്പാർട്ട്‌മെന്റിൽ ചെക്ക് ഇൻ ചെയ്തിരുന്നു. ഞായറാഴ്ച യുവതി കൊല്ലപ്പെട്ടുവെന്നാണ് പ്രാഥമിക നിഗമനം.
ചൊവ്വാഴ്ച പുലർച്ച വരെ ആരവും അപ്പാർട്ട്‌മെന്റിൽ ഉണ്ടായിരുന്നുവെന്ന് വിവരങ്ങളുണ്ട്. ഫാഷൻ, ഭക്ഷണം എന്നിവയെക്കുറിച്ചുള്ള വീഡിയോകളാണ് യൂട്യൂബിൽ മായ പങ്കി‌ട്ടിരിക്കുന്നത്. പ്രതിയെക്കുറിച്ചുളള കൂടുതൽ വിവരങ്ങൾ ശേഖരിച്ചു വരികയാണെന്ന് പൊലീസ് വ്യക്തമാക്കി.
Story Highlights: Assamese vlogger Maya Gogoi found murdered in Bengaluru apartment, police suspect Kannur native Arav
