Actress Sheela Praises Empuraan Movie

എമ്പുരാൻ എന്ന ചിത്രത്തെ പ്രശംസിച്ച് പ്രശസ്ത നടി ഷീല രംഗത്ത്. നാല് വർഷത്തെ കഠിനാദ്ധ്വാനത്തിന്റെ ഫലമാണ് ഈ ചിത്രമെന്നും ഓരോ ഷോട്ടും മനോഹരമായി ചിത്രീകരിച്ചിട്ടുണ്ടെന്നും അവർ പറഞ്ഞു. ഒരു ഇംഗ്ലീഷ് സിനിമ കാണുന്ന അനുഭവമാണ് എമ്പുരാൻ നൽകുന്നതെന്നും തന്റെ പ്രിയപ്പെട്ട ചിത്രങ്ങളിൽ ഒന്നാണിതെന്നും ഷീല കൂട്ടിച്ചേർത്തു. മാമ്പഴമുള്ള മാവിലാണ് ആളുകൾ കല്ലെറിയുന്നതെന്നും വിമർശനങ്ങൾ പലപ്പോഴും സിനിമയ്ക്ക് സൗജന്യ പബ്ലിസിറ്റി നൽകുമെന്നും അവർ അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിവാദങ്ങൾക്കിടെ എമ്പുരാന്റെ പുനഃസംസ്കരിച്ച പതിപ്പ് തിയറ്ററുകളിൽ എത്തി. ആദ്യ ഭാഗങ്ങളിൽ നിന്ന് രണ്ട് മിനിറ്റ് എട്ട് സെക്കൻഡ് ദൈർഘ്യമുള്ള രംഗങ്ങൾ നീക്കം ചെയ്തിട്ടുണ്ട്. പ്രധാന വില്ലന്റെ പേര് ബജ്രംഗി എന്നതിൽ നിന്ന് ബൽദേവ് എന്നാക്കി മാറ്റി. ചിത്രത്തിന്റെ നന്ദിപ്രകടന വിഭാഗത്തിൽ നിന്ന് സുരേഷ് ഗോപിയുടെ പേരും ഒഴിവാക്കിയിട്ടുണ്ട്.

പൃഥ്വിരാജിന്റെ സംവിധാനത്തിൽ ഒരുങ്ങിയ ചിത്രത്തിൽ യഥാർത്ഥ സംഭവങ്ങളാണ് ചിത്രീകരിച്ചിരിക്കുന്നതെന്ന് ഷീല പറഞ്ഞു. കാലം മാറുന്നതിനനുസരിച്ച് സിനിമയും മാറുമെന്നും എല്ലാവരും ഈ ചിത്രം കാണണമെന്നും അവർ ആവശ്യപ്പെട്ടു. എമ്പുരാൻ സിനിമയെ കുറിച്ച് അഭിമാനിക്കണമെന്നും അവർ കൂട്ടിച്ചേർത്തു. എമ്പുരാൻ വിവാദത്തിൽ സുരേഷ് ഗോപിയുടെ പ്രതികരണം വലിയ ചർച്ചയായിരുന്നു.