RSS alleges 'Empuraan' promotes anti-national sentiments

എമ്പുരാൻ എന്ന സിനിമ ദേശവിരുദ്ധമാണെന്ന് ആർഎസ്എസ് മുഖപത്രം ആരോപിച്ചു. യുവാക്കളെ ഭീകരതയിലേക്ക് ആകർഷിക്കുന്ന തരത്തിലാണ് ചിത്രമൊരുക്കിയിരിക്കുന്നതെന്നും ആക്ഷേപമുണ്ട്. ഹിന്ദു വിരുദ്ധ, ക്രിസ്ത്യൻ വിരുദ്ധ വികാരങ്ങൾ സിനിമയിൽ നിറഞ്ഞു നിൽക്കുന്നുവെന്നും ആർഎസ്എസ് ആരോപിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൃഥ്വിരാജിന്റെ സിനിമകളെ പരാമർശിച്ചാണ് മുഖപത്രത്തിന്റെ വിമർശനം. റീ എഡിറ്റിംഗിന് ശേഷവും ഹിന്ദു വിരുദ്ധ, ക്രിസ്ത്യൻ വിരുദ്ധ വികാരങ്ങൾ നിലനിൽക്കുന്നുവെന്ന് അവർ ചൂണ്ടിക്കാട്ടുന്നു. സിനിമയിലെ പേരുകളും സംഭാഷണങ്ങളും മാറ്റം വരുത്തിയിട്ടും ഹിന്ദു വിരുദ്ധ വികാരം നിലനിർത്തിയെന്നും അവർ പറയുന്നു.

മുസ്ലിം ഭീകരതയുടെ ഉത്തരവാദിത്വം ഹിന്ദുക്കളുടെ മേൽ ചുമത്തുന്ന തരത്തിലാണ് സംവിധായകനും തിരക്കഥാകൃത്തും ചിത്രമൊരുക്കിയതെന്നും ആരോപണമുണ്ട്. ഇസ്ലാമിക ഭീകരതയെ വെള്ളപൂശാനുള്ള ശ്രമമാണ് സിനിമയിലൂടെ നടക്കുന്നതെന്നും ആർഎസ്എസ് ആരോപിക്കുന്നു.

മുരളി ഗോപിയെയും ലേഖനം വിമർശിക്കുന്നുണ്ട്. രാജ്യത്തെ ഭരണകൂടത്തെ വിമർശിക്കുന്ന മുരളി ഗോപിയുടെ പ്രസംഗങ്ങൾ അരാജകത്വം നിറഞ്ഞതാണെന്ന് ആർഎസ്എസ് മുഖപത്രം ആരോപിക്കുന്നു. ദേശവിരുദ്ധ ശക്തികളുമായുള്ള ബന്ധം അന്വേഷിക്കണമെന്നും അവർ ആവശ്യപ്പെടുന്നു.

ക്യാപറ്റനാകാനില്ലെന്ന് ബുംറ; ജോലി ഭാരമില്ലാതെ കളിക്കാനാണ് തനിക്കിഷ്ടമെന്ന് ബിസിസിഐയെ അറിയച്ചതായി വിവരം

ജനഗണമന, അന്വർ എന്നീ സിനിമകൾ രാജ്യവിരുദ്ധതയെ പ്രോത്സാഹിപ്പിക്കുന്നുവെന്നും ലേഖനത്തിൽ പറയുന്നു. പൃഥ്വിരാജിന്റെ വിദേശ ബന്ധങ്ങളും സാമ്പത്തിക ഇടപാടുകളും അന്വേഷിക്കണമെന്നും ആർഎസ്എസ് ആവശ്യപ്പെടുന്നു.

ആവിഷ്കാര സ്വാതന്ത്ര്യത്തിന്റെ മറവിൽ വർഗീയ വിഭജനം നടത്തുന്നതിൽ പൃഥ്വിരാജും മുരളി ഗോപിയും ക്ഷമാപണം നടത്തണമെന്നും ആർഎസ്എസ് മുഖപത്രം ആവശ്യപ്പെട്ടു.

Story Highlights: RSS alleges the film ‘Empuraan’ promotes anti-national sentiments and incites youth towards terrorism.

ഖുറേഷിക്കും വേടനുമെതിരായ പരാമർശങ്ങൾ ദളിത്-ന്യൂനപക്ഷ വിരോധം: എം.വി. ഗോവിന്ദൻ