Gopan Swamy Case: Family Moves High Court Over Tomb Opening

നെയ്യാറ്റിൻകര ഗോപൻ സ്വാമിയുടെ കേസിൽ കുടുംബം ഹൈക്കോടതിയെ സമീപിക്കുന്നു. മരണശേഷമുള്ള 41 ദിവസത്തെ പൂജ മുടങ്ങാതെ ചെയ്യണമെന്നും കല്ലറ പൊളിക്കാനുള്ള ആർഡിഒയുടെ ഉത്തരവ് റദ്ദാക്കണമെന്നും ആവശ്യപ്പെട്ടാണ് ഹർജി. ഗോപൻ സ്വാമി സമാധിയായെന്ന് ഭാര്യയും മക്കളും ആവർത്തിക്കുന്നുണ്ടെങ്കിലും, സമാധിയെന്ന നോട്ടീസ് നേരത്തെ അച്ചടിച്ചതാണോ എന്ന കാര്യത്തിൽ പൊലീസിന് സംശയമുണ്ട്. കഴിഞ്ഞ വ്യാഴാഴ്ചയാണ് ഗോപൻ സ്വാമി സമാധിയായതെന്നാണ് കുടുംബം അവകാശപ്പെടുന്നത്. കല്ലറ തുറന്ന് പരിശോധിക്കാനെത്തിയ പൊലീസിനെയും ഫോറൻസിക് സംഘത്തെയും ഗോപൻ സ്വാമിയുടെ ഭാര്യയും മക്കളും തടഞ്ഞിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമാധി തുറക്കാൻ അനുവദിക്കില്ലെന്ന നിലപാടിലായിരുന്നു കുടുംബം. പിന്നീട് പൊലീസ് ബലം പ്രയോഗിച്ച് ഇവരെ നീക്കുകയായിരുന്നു. ബന്ധുക്കൾക്ക് നോട്ടീസ് നൽകി അവരുടെ ഭാഗം കേട്ട ശേഷമേ നിലപാടെടുക്കാവൂ എന്ന് കുടുംബത്തിന്റെ അഭിഭാഷകരും ഹിന്ദു സംഘടനാ പ്രതിനിധികളും ആവശ്യപ്പെട്ടു. മരുന്നും ഭക്ഷണവും കഴിച്ച ശേഷം ഗോപൻ സ്വാമി നടന്നു പോയി സമാധി സ്ഥലത്തിരുന്ന് മരിച്ചുവെന്നാണ് ഇളയ മകൻ രാജസേനന്റെ മൊഴി. കുടുംബത്തിന്റെ അഭിഭാഷകർ വർഗീയ പരാമർശം നടത്തിയെന്നാരോപിച്ച് ഒരു വിഭാഗം നാട്ടുകാരും പ്രതിഷേധിച്ചു.

കല്ലറ തുറക്കണമെന്നും തുറക്കരുതെന്നും പറയുന്നവർ തമ്മിൽ തർക്കമുണ്ടായി. സ്ഥലത്ത് ക്രമസമാധാന പ്രശ്നം ഉടലെടുത്തതിനെ തുടർന്ന് നടപടി നിർത്തിവെക്കാൻ സബ് കളക്ടർ തീരുമാനമെടുത്തു. ബന്ധുക്കളെ നെയ്യാറ്റിൻകര സ്റ്റേഷനിലെത്തിച്ച് ഡിവൈഎസ്പിയുടെ സാന്നിധ്യത്തിൽ ചർച്ച നടത്തി. മരണ ശേഷം മൃതദേഹം ശുചീകരിച്ചുവെന്ന് അടുത്ത ദിവസം അറിയിച്ചതായി കൗൺസിലർ അജിത പറഞ്ഞു. ഗോപൻ സ്വാമിയുടെ സമാധിയിൽ ബന്ധുക്കൾ പറയുന്നതാണോ, പരാതിയിൽ പറയുന്നതാണോ ശരിയെന്നാണ് അന്വേഷണം.

ലോട്ടറി ക്ഷേമനിധിയിൽ 78 ലക്ഷത്തിന്റെ തട്ടിപ്പ്; ക്ലർക്ക് സസ്പെൻഡിൽ

നിയമ നടപടിയുമായി മുന്നോട്ടു പോകുമെന്നും ഇനിയൊരു ചർച്ചയില്ലെന്നും നെയ്യാറ്റിൻകര ഡിവൈഎസ്പിയുടെ സാന്നിധ്യത്തിൽ നടന്ന ചർച്ചയിൽ ബന്ധുക്കളെ ജില്ലാ ഭരണകൂടം അറിയിച്ചു. നേരത്തെ ആളെ കാൺമാനില്ലെന്ന പേരിൽ റജിസ്റ്റർ ചെയ്ത കേസിൽ മക്കളടക്കമുള്ളവരുടെ മൊഴി രേഖപ്പെടുത്തിയിരുന്നു. സമാധിയെ കുറിച്ചുള്ള പോസ്റ്ററിലും പൊലീസ് ദുരൂഹത സംശയിക്കുന്നുണ്ട്. ആലുംമൂടിലെ ഒരു സ്ഥാപനത്തിൽ നിന്നും കളർ പ്രിൻ്റ് എടുത്ത് അടുത്ത ദിവസം രാവിലെ സമീപത്ത് ഒട്ടിച്ചെന്നാണ് മക്കളുടെ മൊഴി. കളക്ടറുടെ ഉത്തരവുമായി കല്ലറ തുറക്കാനെത്തിയതോടെയാണ് കുടുംബാംഗങ്ങളുടെ നാടകീയ രംഗങ്ങൾ അരങ്ങേറിയത്.

സമാധി തുറക്കുന്നതിനെതിരെ കുടുംബം പ്രതിഷേധിച്ചു.

Story Highlights: Gopan Swamy’s family challenges the order to open the tomb and seeks permission for post-death rituals in the High Court.

സിദ്ധാർത്ഥന്റെ മരണം: 19 വിദ്യാർത്ഥികളെ വെറ്ററിനറി സർവകലാശാല പുറത്താക്കി

ഗോപൻ സ്വാമിയുടെ മരണം: ദുരൂഹത നീക്കാൻ അന്വേഷണം തുടരും