ബെംഗളൂരു ഇന്ദിരാനഗറിലെ ഒരു അപ്പാർട്ട്മെൻ്റിൽ അസം സ്വദേശിനിയായ വ്ലോഗർ മായ ഗാഗോയി കൊല്ലപ്പെട്ട നിലയിൽ കണ്ടെത്തി. യുവതിയുടെ നെഞ്ചിൽ ഒന്നിലധികം തവണ കുത്തിയാണ് കൊലപാതകം നടത്തിയതെന്ന് പൊലീസ് പറഞ്ഞു. സംഭവത്തിൽ കണ്ണൂർ സ്വദേശിയും യുവതിയുടെ സുഹൃത്തുമായ ആരവിന് പങ്കുള്ളതായി പൊലീസ് സംശയിക്കുന്നു.
കഴിഞ്ഞ ശനിയാഴ്ച മായയും ആരവും ചേർന്നാണ് അപ്പാർട്ട്മെൻ്റിൽ ചെക്ക് ഇൻ ചെയ്തത്. ഞായറാഴ്ചയാണ് യുവതി കൊല്ലപ്പെട്ടതെന്നാണ് പൊലീസിൻ്റെ പ്രാഥമിക നിഗമനം. ദേശീയ മാധ്യമങ്ങളുടെ റിപ്പോർട്ട് അനുസരിച്ച്, ആരവ് യുവതിയുടെ കാമുകനാണ്. പ്രതിയെ കുറിച്ചുള്ള കൂടുതൽ വിവരങ്ങൾ ശേഖരിച്ചു വരികയാണെന്ന് പൊലീസ് അറിയിച്ചു.
യൂട്യൂബിൽ ഫാഷൻ, ഭക്ഷണം എന്നിവയെക്കുറിച്ചുള്ള വീഡിയോകളാണ് മായ പങ്കി‌ട്ടിരുന്നത്. ആൺ സുഹൃത്തിനൊപ്പം അപ്പാർട്ട്മെൻ്റിൽ മുറിയെടുത്ത് താമസിക്കുന്നതിനിടെയാണ് വ്ലോഗറെ കൊല്ലപ്പെട്ട നിലയിൽ കണ്ടെത്തിയത്. സംഭവത്തെ തുടർന്ന് പൊലീസ് മുറിയിൽ പരിശോധന നടത്തി.
Story Highlights: Assamese vlogger Maya Gogoi found murdered in Bengaluru apartment, police suspect involvement of her friend Arav from Kannur.
