Pantheeramkavu case girl assaulted again, files complaint against husband

പന്തീരാങ്കാവ് കേസിൽ ഉൾപ്പെട്ട പെൺകുട്ടി വീണ്ടും ഗാർഹിക പീഡനത്തിന് ഇരയായി. ഭർത്താവ് രാഹുൽ പി ഗോപാലിനെതിരെ പെൺകുട്ടി പൊലീസിൽ പരാതി നൽകി. മദ്യപിച്ചെത്തിയ രാഹുൽ മീൻകറിയിൽ പുളി കുറഞ്ഞെന്ന് പറഞ്ഞ് പെൺകുട്ടിയെ ക്രൂരമായി മർദ്ദിച്ചതായാണ് പരാതി. മർദനത്തിൽ പരിക്കേറ്റ പെൺകുട്ടി മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹൈക്കോടതി മുൻപ് റദ്ദാക്കിയ ഗാർഹിക പീഢനക്കേസിന് പിന്നാലെ ഒന്നര മാസമായി ഇവർ ഒരുമിച്ച് കഴിയുകയായിരുന്നു. എന്നാൽ രണ്ട് തവണ മാത്രമാണ് അതിനിടക്ക് മകളോട് സംസാരിച്ചതെന്നും മദ്യപിച്ച് മകളെ രാഹുൽ നിരന്തരം മർദ്ദിച്ചിരുന്നതായും പെൺകുട്ടിയുടെ മാതാവ് പറഞ്ഞു. നിലവിൽ രാഹുൽ പൊലീസ് കസ്റ്റഡിയിലാണ്. മദ്യപിച്ച് കലഹസ്വഭാവിയായി കാണപ്പെട്ടതിനെ തുടർന്നാണ് ഇയാളെ പൊലീസ് കസ്റ്റഡിയിൽ എടുത്തത്.

നേരത്തെ, യുവതി നൽകിയ പരാതിയിൽ രാഹുലിനെതിരെ പൊലീസ് ഗാർഹിക പീഡനത്തിന് കേസെടുക്കുകയും യുവതി പരാതി പിൻവലിച്ചതോടെ ഹൈക്കോടതി കേസ് റദ്ദാക്കുകയും ചെയ്തിരുന്നു. രാഹുലിനൊപ്പം തുടരാനാണ് താൽപര്യം എന്ന് യുവതി അറിയിച്ചതിനെത്തുടർന്നാണ് ഹൈക്കോടതി കേസ് റദ്ദാക്കിയത്. പെൺകുട്ടിയുടെ മൊഴി പൊലീസ് രേഖപ്പെടുത്തുന്നു.

വയനാട് പുൽപ്പള്ളിയിൽ സ്കൂൾ വിദ്യാർത്ഥികൾക്ക് ഭക്ഷ്യവിഷബാധ

Story Highlights: Girl in Pantheeramkavu case faces domestic violence again, files complaint against husband Rahul for assault over fish curry.

മെഡിക്കൽ കോളേജ് ഒ.പി. ബഹിഷ്കരണം; മനുഷ്യാവകാശ കമ്മീഷൻ റിപ്പോർട്ട് തേടി