ഇന്ന് മിക്കവാറും എല്ലാ ചര്‍മ്മസംരക്ഷണ സൗന്ദര്യവര്‍ദ്ധക ഉല്‍പ്പന്നങ്ങളിലും മൈക്രോപ്ലാസ്റ്റിക് കാണപ്പെടുന്നു. സ്‌ക്രബുകള്‍, സെറം, ഫെയ്സ് മാസ്‌കുകള്‍, ലിപ്സ്റ്റിക്കുകള്‍, മേക്കപ്പ് ഡിപ്സ്റ്റിക്കുകള്‍ എന്നിവയില്‍ മാത്രമല്ല, ഫില്ലറുകള്‍, ടെക്‌സ്ചര്‍ എന്‍ഹാന്‍സറുകള്‍ തുടങ്ങിയവയിലും മൈക്രോപ്ലാസ്റ്റിക്സ് സജീവ സാന്നിധ്യമാണ്. ഈ ഉല്‍പ്പന്നങ്ങള്‍ ഉപയോഗിക്കുമ്പോള്‍ ചര്‍മ്മത്തിന് ഗുരുതരമായ പ്രശ്‌നങ്ങള്‍ നേരിടേണ്ടി വരുന്നു. കഴുകിയാലും പോകാത്ത ഈ ചെറിയ കണികകള്‍ ചര്‍മ്മ സുഷിരങ്ങള്‍ അടയ്ക്കുകയും ചെറിയ കുരുക്കള്‍ ഉണ്ടാക്കുകയും ചെയ്യുന്നു.
മൈക്രോപ്ലാസ്റ്റിക്കുകള്‍ ചര്‍മ്മത്തിന്റെ പ്രതിരോധശേഷിയെ തകര്‍ക്കുന്നു. ഇത് ചര്‍മ്മത്തെ വരണ്ടതും അടരുകളുള്ളതുമാക്കി മാറ്റുന്നു. സെന്‍സിറ്റീവ് ചര്‍മ്മമുള്ളവര്‍ക്ക്, എക്‌സിമ, ഡെര്‍മറ്റൈറ്റിസ് പോലുള്ള അവസ്ഥകള്‍ ഉണ്ടാകാനും സാധ്യതയുണ്ട്. ഈ പ്ലാസ്റ്റിക്കുകള്‍ ചര്‍മ്മ സുഷിരങ്ങള്‍ക്കുള്ളില്‍ കയറി എണ്ണയുടെയും ബാക്ടീരിയയുടെയും ഒരു നിക്ഷേപം ഉണ്ടാക്കുന്നു.
ദീര്‍ഘകാലം ഇത്തരം ഉല്‍പ്പന്നങ്ങള്‍ ഉപയോഗിക്കുന്നത് ചര്‍മ്മം നശിക്കുന്നതിന് പോലും കാരണമാകും. അതിനാല്‍ ഇത്തരം ഉല്‍പ്പന്നങ്ങള്‍ ഉപയോഗിക്കുമ്പോള്‍ വളരെ ശ്രദ്ധ പുലര്‍ത്തേണ്ടതാണ്. മൈക്രോപ്ലാസ്റ്റിക്കുകള്‍ അടങ്ങിയിരിക്കുന്ന ഉല്‍പ്പന്നങ്ങള്‍ ഒഴിവാക്കുകയും പ്രകൃതിദത്തമായ ചേരുവകള്‍ ഉപയോഗിച്ച് നിര്‍മ്മിച്ച ഉല്‍പ്പന്നങ്ങള്‍ തിരഞ്ഞെടുക്കുകയും ചെയ്യുന്നത് ചര്‍മ്മത്തിന്റെ ആരോഗ്യത്തിന് ഗുണകരമായിരിക്കും.
Story Highlights: Microplastics in skincare products can cause skin problems, clog pores, and weaken skin’s defense mechanisms.
