വർക്കലയിൽ ആംബുലൻസ് ഡ്രൈവറെ കുത്തി പരുക്കേൽപ്പിച്ച സംഭവത്തിൽ നാല് പേർ പിടിയിലായി. പെരുംകുളം കീഴാറ്റിങ്ങൽ സ്വദേശി സബീൽ (24), കായിക്കര നിതിൻ (26), മണനാക്ക് സ്വദേശി ഷിനാസ് (26), മേലാറ്റിങ്ങൽ സ്വദേശി അമൽ അശോകൻ (26) എന്നിവരെയാണ് വർക്കല പൊലീസ് അറസ്റ്റ് ചെയ്തത്. ഞായറാഴ്ച രാത്രി 10.30 ഓടെ വർക്കല താലൂക്ക് ആശുപത്രി കാഷ്വാലിറ്റിക്ക് മുന്നിലായിരുന്നു സംഭവം നടന്നത്.
ആശുപത്രിയിൽ ചികിത്സയ്ക്കെത്തിയ സംഘമാണ് കാഷ്വാലിറ്റിക്ക് മുന്നിൽ മൊബൈൽ നോക്കിയിരുന്ന ഡ്രൈവർമാരെ ആക്രമിച്ചത്. സംഭവത്തിൽ കുത്തേറ്റ അജ്‌മലിനൊപ്പം ഉണ്ടായിരുന്ന മറ്റ് രണ്ട് ഡ്രൈവർമാർക്ക് കൂടി ആക്രമണത്തിനിടെ പരുക്കേറ്റിട്ടുണ്ട്. പിന്നീട് സംഘത്തിലെ ഒരാൾ കൈയ്യിൽ കരുതിയിരുന്ന കത്തി ഉപയോഗിച്ച് അജ്മലിനെ കുത്തുകയായിരുന്നു.
ആംബുലൻസ് ഡ്രൈവർ ചെറുകുന്നം സ്വദേശി അജ്മൽ (25) നാണ് കുത്തേറ്റത്. സംഭവത്തിൽ ഉൾപ്പെട്ട നാല് പ്രതികളെയും പൊലീസ് പിടികൂടി നിയമനടപടികൾ സ്വീകരിച്ചു വരികയാണ്. ആക്രമണത്തിന്റെ കാരണം വ്യക്തമായിട്ടില്ല. പൊലീസ് കൂടുതൽ അന്വേഷണം നടത്തി വരുന്നു.
Story Highlights: Four arrested for stabbing ambulance driver in Varkala, Kerala
