അതിജീവിതയെ സമൂഹമാധ്യമങ്ങളിലൂടെ അപമാനിച്ചെന്ന പരാതിയിൽ മുകേഷ് അടക്കമുള്ളവർക്കെതിരെ ആരോപണം ഉന്നയിച്ച നടിക്കെതിരെ വീണ്ടും കേസ് എടുത്തിരിക്കുകയാണ്. മൂവാറ്റുപുഽ പൊലീസാണ് നടിയുടെ ബന്ധുവായ യുവതി നൽകിയ പരാതിയിൽ കേസ് രജിസ്റ്റർ ചെയ്തത്. സ്ത്രീത്വത്തെ അപമാനിച്ചതിനാണ് പുതിയ കേസ് എടുത്തിരിക്കുന്നത്. പോക്സോ കേസിന് ശേഷം സമൂഹമാധ്യമങ്ങളിലൂടെ നിരന്തരം അപമാനിച്ചുവെന്നാണ് പുതിയ പരാതിയിൽ പറയുന്നത്.
നേരത്തെ ഇതേ യുവതിയുടെ പരാതിയിൽ നടിക്കെതിരെ പോക്സോ കേസ് എടുത്തിരുന്നു. ചെന്നൈയിലേക്ക് വിളിച്ചുവരുത്തി നിരവധി പേർക്ക് നടി തന്നെ കാഴ്ചവെച്ചെന്നായിരുന്നു യുവതിയുടെ പരാതി. പ്രായപൂർത്തിയാവും മുമ്പാണ് അതിക്രമം നടന്നതെന്നും യുവതി മൊഴി നൽകിയിരുന്നു. ഇതുവരെ നടിക്കെതിരെ ഒരു പോക്സോ അടക്കം നാല് കേസുകളാണ് ചുമത്തിയിട്ടുള്ളത്.
പ്രായപൂർത്തിയാകും മുമ്പ് തന്നെ പലർക്കും കാഴ്ചവച്ചെന്നും മുകേഷിനെതിരെ പരാതി കൊടുത്ത സ്ത്രീ സെക്സ് മാഫിയയുടെ ആളാണെന്നും കാണിച്ച് യുവതി സംസ്ഥാന പൊലീസ് മേധാവിക്ക് പരാതി നൽകിയിരുന്നു. ഈ പരാതി പ്രത്യേക അന്വേഷണ സംഘത്തിന് കൈമാറുകയായിരുന്നു. ഇപ്പോൾ പുതിയ കേസിലൂടെ നടിക്കെതിരെയുള്ള നിയമനടപടികൾ കൂടുതൽ ശക്തമാകുകയാണ്.
Story Highlights: Actress who accused actors of defamation faces new case for allegedly insulting womanhood
