മൂവാറ്റുപുഴ: പോളണ്ടിൽ ജോലി വാഗ്ദാനം നൽകി പണം തട്ടിയെടുത്ത അഡോണ വ്യാജ റിക്രൂട്ട്‌മെന്റ് കേസിൽ രണ്ട് പേർ കൂടി അറസ്റ്റിൽ.ഇടുക്കി സ്വദേശികളായ അനീഷ്, ഡാനിയേൽ എന്നിവരെയാണ് പോലീസ് അറസ്റ്റ് ചെയ്തത്.
ഈ കേസുമായി ബന്ധപ്പെട്ട് മുൻപ് മറ്റൊരാളെയും പോലീസ് അറസ്റ്റ് ചെയ്തിരുന്നു.പോളണ്ടിൽ ജോലി വാഗ്ദാനം ചെയ്ത് സംസ്ഥാനത്തുടനീളം പത്രപരസ്യങ്ങൾ നൽകി ഉദ്യോഗാർത്ഥികളെ വഞ്ചിച്ച് പണം തട്ടുകയും ഇതുപയോഗിച്ച് ആർഭാടജീവിതം നയിച്ചുവരികയായിരുന്നു ഇവർ.
പ്രതികളെ കുറിച്ച് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എറണാകുളം ജില്ലാ പോലീസ് മേധാവി കെ. കാർത്തിക്കിന്റെ നേതൃത്വത്തിലുള്ള പ്രത്യേക സംഘം നടത്തിയ അന്വേഷണത്തിലാണ് ഇവരെ പിടികൂടിയത്.
നൂറിലേറെ ഉദ്യോഗാർത്ഥികൾ ഇവരുടെ തട്ടിപ്പിന് ഇരയായിട്ടുണ്ട്. കോടികളാണ് ഇവർ കൈക്കലാക്കിയിട്ടുള്ളത്. പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തതായി പോലീസ് അറിയിച്ചു.
Story highlight : Two arrested for swindling crores of rupees by offering jobs.
