ലണ്ടൻ: കുടിയേറ്റക്കാരുമായി വരികയായിരുന്ന ബോട്ട് ഇംഗ്ലീഷ് ചാനലിൽ മുങ്ങി അപകടം.
സംഭവത്തിൽ 31 പേർ മരിച്ചു.ബ്രിട്ടന്റെ ചരിത്രത്തിലെ തന്നെ ഏറ്റവും വലിയ ബോട്ടപകടമാണ് സംഭവിച്ചത്.
കലൈസ് എന്ന പ്രദേശത്തിനടുത്ത് വെച്ചായായിരുന്നു അപകടം ഉണ്ടായത്.
മനുഷ്യക്കടത്ത് സംഘം ബ്രിട്ടനിലേക്ക് അനധികൃതമായി എത്തിച്ചുകൊണ്ടിരുന്ന കുടിയേറ്റക്കാരാണ് അപകടത്തിൽ മരിച്ചത്.മരണപ്പെട്ടവരിൽ അഞ്ചു സ്ത്രീകളും ഒരുപെൺകുട്ടിയുമുണ്ട്.
ഒരു മത്സ്യബന്ധന ബോട്ടാണ് ഈ യാത്രാബോട്ടിനുണ്ടായ അപകടം ആദ്യം കണ്ടെത്തിയത്.
ബോട്ടപകടവുമായി ബന്ധപ്പെട്ട് ബെൽജിയം അതിർത്തിയിൽ നിന്നും നാലുപേരെ പോലീസ് അറസ്റ്റ് ചെയ്തിട്ടുണ്ട്.
ഫ്രാൻസിനും ബ്രിട്ടനും ഇടയിലായിട്ടായിരുന്നു അപകടം. സമാനമായ ബോട്ടപകടം 2014 ലും ഇംഗ്ലീഷ് ചാനലിൽ നടന്നിട്ടുണ്ട്.
Story highlight : 31 people killed after a refugee boat capsized on the English Channel.
