അമ്പലപ്പുഴ : ക്ഷേത്രത്തിനുള്ളില്‍ സ്ത്രീകളുടെ മാല മോഷ്ടിച്ച നാല് നാടോടി സ്ത്രീകളെ പോലീസ് അറസ്റ്റ് ചെയ്തു.
ഇന്നലെ രാത്രി ഒന്‍പത് മണിയോടെ പുറക്കാട് പുന്തല ഭഗവതിക്ഷേത്രത്തിന്റെ നാലമ്പലത്തിനുള്ളിലായിരുന്നു സംഭവം.
തിക്കും തിരക്കുമുണ്ടാക്കിയായിരുന്നു നാലംഗസംഘം നാടോടി സ്ത്രീകൾ മോഷണം നടത്തിയത്.
സംഭവത്തിൽ തമിഴ്നാട് മധുര ജില്ലയില്‍ തിരുമംഗലം സ്വദേശികളായ സാദന(24), കുട്ടമ്മ(30), പ്രിയ(40), മധു(37) എന്നിവരാണ് അറസ്റ്റിലായത്.
മാല മോഷ്ടിക്കുന്നതിനിടെ മറ്റുള്ളവരുടെ ശ്രദ്ധ തിരിക്കുന്നതിനായി ഇവര്‍ ബഹളമുണ്ടാക്കിയിരുന്നു.
തുടന്ന് നഷ്ടപ്പെട്ടവര്‍ ഒച്ചവെച്ചതോടെ സ്ഥലത്ത് ഉണ്ടായിരുന്നവര്‍ ഇവരെ പരിശോധിക്കുകയും ഇവരില്‍ നിന്നും നിരവധി സ്വര്‍ണമാലകള്‍ കണ്ടെടുക്കുകയുമായിരുന്നു.
സംഭവത്തിൽ അമ്പലപ്പുഴ ഇന്‍സ്‌പെക്ടര്‍ എസ്. ദ്വിജേഷിന്റെ നേതൃത്വത്തിലുള്ള പോലീസ് സംഘം പ്രതികളെ അറസ്റ്റ് ചെയ്തു.
കേരളത്തിലെ വിവിധ പൊലീസ് സ്റ്റേഷനുകളില്‍ സമാനമായ കുറ്റകൃത്യങ്ങളിലെ പ്രതികളാണ് ഈ നാടോടി സ്ത്രീകളെന്ന് പോലീസ് പറയുന്നു.പ്രതികളെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
Story Highlight : Four Tamil women arrested for Chain snatching in Ambalapuzha Temple.
