കോഴിക്കോട് : ഇസ്ലാം മതപരിവർത്തന കേന്ദ്രങ്ങളിൽ ലൈംഗിക പീഡനവും നടക്കുന്നുവെന്ന വെളിപ്പെടുത്തലുമായി യുവതി.
മതംമാറാനെത്തിച്ച പെൺകുട്ടിയാണ് വെളിപ്പെടുത്തലുമായി എത്തിയിരിക്കുന്നത്.
കോഴിക്കോട് മുഖദാർ തർബിയത്തൂൽ ഇസ്ലാം മതപഠന കേന്ദ്രത്തിലെ ഉസ്താദ് നിരവധി പെൺകുട്ടികളെ ലൈംഗിക പീഡനത്തിന് ഇരയാക്കിയിട്ടുണ്ടെന്ന വെളിപ്പെടുത്തലുമായാണ് യുവതി രംഗതത്തെത്തിയത്.
താൻ 40 ദിവസം മതപഠന കേന്ദ്രത്തിൽ ഉണ്ടായിരുന്നുവെന്നും ജയിലുപോലെയാണ് മതപഠന കേന്ദ്രമെന്നും യുവതി പറയുന്നു.മതപഠന കേന്ദ്രത്തിൽ നിന്നും രക്ഷപെട്ട യുവതിയാണ് ഇക്കാര്യം വെളിപ്പെടുത്തിയത്.
ഒരു ദിവസം 18-19 വയസ്സുള്ള ഒരു പെൺകുട്ടിയെ ഉസ്താദ് പീഡനത്തിനിരയാക്കിരുന്നു.ശേഷം കുളിച്ചോളാനും പാപങ്ങളൊക്കെ പോകുമെന്നും പെൺകുട്ടിയോട് ഉസ്താദ് പറയുകയുണ്ടായി.
അന്ന് തന്നെ പെൺകുട്ടിയെ വീട്ടുകാർ കൂട്ടിക്കൊണ്ടുപോയെന്നും യുവതി പറഞ്ഞു.പീഡനത്തിന് ഇരയായ പെൺകുട്ടിയാണ് ഇക്കാര്യം തന്നോട് പറഞ്ഞതെന്ന് യുവതി വെളിപ്പെടുത്തി.തന്നെ പണവും വീടും വാഗ്ദാനം ചെയ്താണ് ഇവിടേയ്‌ക്ക് എത്തിച്ചതെന്നും യുവതി പറയുന്നു.
ഉസ്താദ് പഠിപ്പിച്ച കാര്യങ്ങൾ ചോദിക്കാനെന്ന വ്യാജേന ഉസ്താദ് ഓരോ പെൺകുട്ടികളേയും രഹസ്യ മുറിയിലേക്ക് വിളിച്ചു വരുത്തിയ ശേഷം പീഡിപ്പിക്കുകയാണ് ചെയ്യുകയെന്ന് യുവതി വെളിപ്പെടുത്തി.
പീഡനത്തിനിരയായ പെൺകുട്ടി ഭീഷണി നേരിടുന്നതിനാലാണ് ഇതുവരെ പരാതിപെടാത്തതെന്നും യുവതി കൂട്ടിച്ചേർത്തു.
Story highlight : Sexual harassment against girls in islamic study centre.
