പെൺകുട്ടിയോട് ലൈംഗികാതിക്രമം ; ബസ് കണ്ടക്ടർ അറസ്റ്റിൽ.

കൊല്ലം : ബസിനുള്ളിൽ വെച്ച് പ്ലസ് ടൂ വിദ്യാര്ത്ഥിനിയെ ലൈംഗികമായി ഉപദ്രവിക്കാൻ ശ്രമിച്ച സ്വകാര്യ ബസ് കണ്ടക്ടർ അറസ്റ്റിൽ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തേവലക്കര താഴത്ത് കിഴക്കതില് രാജേഷ് (34) ആണ് കൊല്ലം ഈസ്റ്റ് പൊലീസിന്റെ പിടിയിലായത്.

ഇയാൾക്കെതിരെ പോക്സോ വകുപ്പ് ചുമത്തിയാണ് കേസ് എടുത്തിരിക്കുന്നത്.ശനിയാഴ്ച ഉച്ചയ്ക്ക് 1.45 മണിയോടെ കൊല്ലം ചിന്നക്കടയിൽ വച്ചായിരുന്നു സംഭവം.

കൊല്ലം റെയില്വേ സ്റ്റേഷനിലെ രണ്ടാം കവാടത്തിന് മുന്നിൽനിന്ന് ചിന്നക്കടയിലേക്ക് യാത്ര ചെയ്ത പെണ്കുട്ടിയ്ക്കു നേരെയാണ് ബസ് കണ്ടക്ടറായ രാജേഷ് അതിക്രമം നടത്തിയത്.

പണം നല്കി ടിക്കറ്റ് ആവശ്യപ്പെട്ട പെണ്കുട്ടിക്ക് ടിക്കറ്റും ബാക്കി തുകയും നല്കുന്നതിനൊപ്പം ഇയാള് പെൺകുട്ടിയോട് അപമര്യാദയായി പെരുമാറുകയും ലൈംഗികപരമായ അതിക്രമം കുട്ടിക്കു നേരെ ആവർത്തിക്കുകയും ചെയ്തു.

തുടർന്ന് പെൺകുട്ടി ഇയാൾക്കെതിരെ പ്രതികരിക്കുകയും ചിന്നക്കട റൗണ്ടില് ഡ്യൂട്ടിയിലുണ്ടായിരുന്ന ഈസ്റ്റ് ഇന്സ്പെക്ടര് രതീഷിനോട്
പരാതിപ്പെടുകയുമായിരുന്നു.

പെണ്കുട്ടിയുടെ പരാതിയെ തുടർന്ന് ആശ്രാമം ചവറ റൂട്ടില് സര്വ്വീസ് നടത്തുന്ന അതുല് എന്ന സ്വകാര്യ ബസ് പൊലീസ് കസ്റ്റഡിയിലെടുക്കുകയും ബസ് കണ്ടക്ടറായ പ്രതിയെ അറസ്റ്റ് ചെയ്യുകയുമായിരുന്നു.

കേന്ദ്രമന്ത്രിയുടെ സന്ദർശനം പ്രഹസനമാകരുത്: എ.കെ. ശശീന്ദ്രൻ

കൊല്ലം ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് ജുഡീഷ്യൽ കസ്റ്റഡിക്ക് വിട്ടു.

Story highlight : Bus conductor arrested for sexually assaulting girl.

പത്തനംതിട്ടയിൽ 300+ ഐടി ജോലികൾ; വർക്ക് ഫ്രം ഹോം സൗകര്യവും