അഭിഭാഷകൻ യുവാവിനെ തലയ്ക്കടിച്ച് കൊലപ്പെടുത്തി.

തൃശൂർ തിരൂരിൽ യുവ അഭിഭാഷകൻ യുവാവിനെ തലയ്ക്കടിച്ച് കൊലപ്പെടുത്തി.

സംഭവത്തിൽ അഭിഭാഷകൻ പിആർ. സജേഷിനെ അറസ്റ്റ് ചെയ്തിട്ടുണ്ട്.മുളങ്കുന്നത്തുകാവ് സ്വദേശിയായ മണികണ്ഠനെയാണ് സജേഷ് കോലപ്പെടുത്തിയത്.

അഭിഭാഷകനായ പിആർ സജേഷിൻ്റെ തിരൂരിലെ വീട്ടിലായിരുന്നു സംഭവം നടന്നത്.
മദ്യപാനത്തിനിടെയുള്ള തർക്കമാണ് കൊലപാതകത്തിൽ കലാശിച്ചത്.

സജേഷും മണികണ്ഠനും അടുത്ത സുഹൃത്തുക്കളായിരുന്നു.എന്നാൽ മദ്യപാനത്തിനിടെ വാക്കുതർക്കങ്ങളുണ്ടാകുകയും സജേഷ് ചുറ്റിക കൊണ്ട് മണികണ്ഠന്റെ തലയ്ക്കടിച്ച്‌ കൊലപ്പെടുത്തുകയുമായിരുന്നു.

അഭിഭാഷകനായ സജേഷ് ദീർഘകാലമായി മദ്യത്തിനും ലഹരിയ്ക്കും അടിമയാണെന്നും ഇയാൾ വീട്ടിൽ തനിച്ചാണ് താമസമെന്നുമാണ് നാട്ടുകാർ പറയുന്നത്.

കൊല്ലപ്പെട്ട മണികണ്ഠൻ തിരൂർ സ്വദേശിയാണ്.വിയ്യൂർ പൊലീസ് അന്വേഷണം ആരംഭിച്ചു.

Story highlight : Lawyer arrested for killing young man.