കണ്ണൂരിൽ ട്രാക്കിൽ നിന്നും മാറാൻ പറഞ്ഞതിന് ട്രെയിനിന് നേരെ കല്ലെറിഞ്ഞു.
രാജസ്ഥാൻ സ്വദേശികളായ ലഖാൻ സിങ്ങ് മീണ, പവൻ മീണ, മുബാറക് ഖാൻ എന്നിവരെയാണ് അഞ്ചു വർഷം വരെ തടവ് ലഭിക്കാവുന്ന ജാമ്യമില്ല കുറ്റം ചുമത്തി റെയിൽവേ പോലീസ് അറസ്റ്റ് ചെയ്തത്.
യാർഡിൽ ഷെണ്ടിങ് നടക്കവേ ട്രാക്കിൽ നിന്നും മാറാൻ ഉദ്യോഗസ്ഥൻ ആവശ്യപ്പെട്ടപ്പോൾ ഉദ്യോഗസ്ഥനു നേരെയും ഇവർ കല്ലെറിഞ്ഞു.
റെയിൽവേ പോലീസിനെ വിവരം അറിയിച്ച് പോലീസ് എത്തിയപ്പോഴേക്കും പ്രതികൾ ഓടി രക്ഷപ്പെട്ടിരുന്നു.
അതിസാഹസികമായി നാല് സംഘങ്ങളായി തിരിഞ്ഞുള്ള പൊലീസ് അന്വേഷണത്തിലാണ് പ്രതികളെ പിടികൂടിയത്.
ട്രെയിനിനു നേരെ കല്ലെറിയുന്നത് വലിയ അപകടമാണെന്നും ഇത്തരം സംഭവങ്ങൾ ശ്രദ്ധയില്പെട്ടാൽ വിവരം അറിയിക്കണമെന്നും റെയിൽവേ പോലീസ് അറിയിച്ചു.
കല്ലേറിൽ ഉദ്യോഗസ്ഥനു പരിക്കില്ല.ആർപിഎഫ് ഇൻസ്പെക്ടർ ബിനോയ് ആൻറണിയുടെ നേതൃത്വത്തിൽ നടന്ന അന്വേഷണത്തിൽ എസ്ഐമാരായ ബിജു നെരിച്ചൻ, എം കെ ശ്രീലേഷ്, കോൺസ്റ്റബിൾമാരായ ജയചന്ദ്രൻ, പുരുഷോത്തമൻ, സോജൻ ,ഹരീന്ദ്രൻ,കാർമിലി എന്നിവരും പങ്കെടുത്തു.
Story highlight : 3 arrested for throwing stone to train .
