ചാവക്കാട് ഹയാത്ത് ആശുപത്രിക്ക് സമീപം നിർത്തിയിട്ട ഓട്ടോയിൽ നിന്നും ഡ്രൈവറുടെ കാക്കി ഷർട്ടും അഞ്ച് സ്പീക്കറും സ്റ്റീരിയോയും മോഷ്ടിച്ചയാൾ പിടിയിൽ.
വെള്ളിയാഴ്ച രാത്രി പതിനൊന്നോടെയാണ് സംഭവം നടന്നത്.
കടപ്പുറം തൊട്ടാപ്പ് ചിന്നക്കൽ വീട്ടിൽ മൻസൂറിനെയാണ് (42)ചാവക്കാട് പോലീസ് പിടികൂടിയത്.
ഓട്ടോ ഡ്രൈവർ നൽകിയ പരാതിയിൽ പോലീസ് നടത്തിയ അന്വേഷണത്തിലാണ് പ്രതിയെ പിടികൂടിയത്.
ആശുപത്രി പരിസരത്തെ സിസിടിവി കേന്ദ്രീകരിച്ച് നടത്തിയ അന്വേഷണം സ്റ്റേഷൻ ഹൗസ് ഓഫീസർ കെ എസ് സെൽവരാജൻറെ നേതൃത്വത്തിലായിരുന്നു.
ഒന്നരമാസം മുമ്പ് ഇതിനു സമാനമായ ഒരു മോഷണവും പ്രതി നടത്തിയിട്ടുണ്ടെന്ന് സമ്മതിച്ചതായി പോലീസ് വ്യക്തമാക്കി.
മോഷ്ടിച്ച വസ്തുക്കൾ പ്രതിയുടെ വീട്ടിലെ കട്ടിലിനടിയിൽ നിന്നും കണ്ടെത്തി.
എസ് ഐമാരായ എം യാസിർ ,കെ ഉമേഷ് എ എസ് ഐമാരായ സജിത് കുമാർ, എം വി വിനോദ്, സീനിയർ സിപിഒ മാരായ പ്രവീൺ, എം ഗീത ,സിപിഒ ഷാരോൺ എന്നിവർ അന്വേഷണത്തിൻറെ ഭാഗമായി.
Story highlight : Burglar who steals music system from vehicles arrested.
