മുംബൈ : ഭാര്യയുമായുള്ള വാക്കുതർക്കത്തിനോടുവിൽ ഭർത്താവ് വീടിനു തീകൊളുത്തി.
തീ സമീപത്തെ വീടുകളിലേക്ക് വ്യാപിച്ചതോടെ 10 വീടുകളാണ് കത്തി നശിച്ചത്.ആളപായമൊന്നും തന്നെയില്ല.
സത്താറയിലെ പട്ടാൻ താലൂക്കിലെ മജ്ഗാവ് സ്വദേശികളായ സഞ്ജയ് പാട്ടീലും ഭാര്യ പല്ലവിയും തമ്മിലുള്ള വഴക്കിനൊടുവിലാണ് ഇയാൾ വീടിനു തീകൊളുത്തിയത്.
തീപടർന്നതോടെ വീട്ടിനുള്ളിലെ ഗ്യാസ് സിലിൻഡർ പൊട്ടിത്തെറിക്കുകയും ഇതോടെ സമീപവീടുകളിലേക്കും തീ പടർന്നു പിടിക്കുകയായിരുന്നു.
ഗ്രാമവാസികൾ തീ കെടുത്തുകയും സഞ്ജയ് പാട്ടീലിനെ പിടികൂടി മർദിക്കുകയും ചെയ്തു.
സംഭവത്തിൽ സഞ്ജയ് പാട്ടീലിന്റെ പേരിൽ കേസെടുക്കുകയും ഇയാളെ പോലീസ് അറസ്റ്റുചെയ്യുകയും ചെയ്തിട്ടുണ്ട്.
വീടുകളിലെ സാധനസാമഗ്രികൾ കത്തിനശിച്ചതിനെ തുടർന്ന് 50 ലക്ഷം രൂപയുടെ നഷ്ടമാണ് ഉണ്ടായിരിക്കുന്നത്.
Story highlight : man sets house on fire after tiff with his wife in Mumbai.
