കിടപ്പുരോഗിയായ ഭർത്താവിനെ ഭാര്യ കഴുത്തറുത്ത് കൊലപ്പെടുത്തി.

തിരുവനന്തപുരത്ത് നെയ്യാറ്റിൻകരയിൽ കിടപ്പുരോഗിയായ ഭർത്താവിനെ ഭാര്യ കഴുത്തറുത്ത് കൊലപ്പെടുത്തി.

നെയ്യാറ്റിൻകര മണവാലി സ്വദേശിയ ഗോപിയെയാണ് ഭാര്യ സുമതി കഴുത്തറുത്ത് കൊന്നത്.

15 വർഷത്തോളമായി കിടപ്പുരോഗിയായ ഭർത്താവിൻ്റെ ദുരിതജീവിതം കണ്ടുനിൽക്കാനുള്ള മാനസ്സികാവസ്ഥ ഇല്ലാത്തതിനെ തുടർന്ന് താൻ ഭർത്താവിന്റെ കഴുത്തറുത്ത് കൊലപ്പെടുത്തുകയായിരുന്നുവെന്ന് ഭാര്യ സുമതി ഡോക്ടർക്കു മൊഴി നൽകുകയായിരുന്നു.

ഇന്ന് രാവിലെ ഒറ്റമുറി വീട്ടിലെ കിടക്കയോട് ചേർന്ന് നിലത്ത് മരിച്ചു കിടക്കുന്ന നിലയിൽ ഗോപിയെ സമീപവാസികളും ബന്ധുക്കളും കണ്ടെത്തുകയായിരുന്നു.

സമീപത്തായി ഭാര്യ സുമതിയും അബോധാവസ്ഥയിൽ കിടപ്പുണ്ടായിരുന്നു.

ഇരുവരേയും ഉടൻതന്നെ ആശുപത്രിയിൽ എത്തിച്ചെങ്കിലും ഗോപി മരിച്ചിരുന്നു.

സുമതിയിൽ നിന്നും വിവരങ്ങൾ ചോദിച്ചറിഞ്ഞ പൊലീസ് തുടർന്ന് സംഭവ സ്ഥലത്തെത്തി പരിശോധന നടത്തുന്നതിനിടെയാണ് ഭർത്താവിനെ താൻ കൊലപ്പെടുത്തിയതാണെന്ന് സുമതി ഡോക്ടറോട് തുറന്നടിച്ചത്.

Story highlight : Wife killed her bedridden husband in Thiruvananthapuram.