മൂന്നര വയസുകാരിയെ പീഡിപ്പിച്ചു ; പ്രതി അറസ്റ്റിൽ.

കോഴിക്കോട് : മൂന്നര വയസുകാരി പീഡനത്തിനിരയായ സംഭവത്തില്‍ ബന്ധുവായ യുവാവിനെ പോലീസ് അറസ്റ്റ് ചെയ്തു.

കോഴിക്കോട് പന്നിയങ്കര പൊലീസ് സ്റ്റേഷന്‍ പരിധിയിലാണ് സംഭവം.

കുട്ടിയുടെ അമ്മ കഴിഞ്ഞ ദിവസം നല്‍കിയ പരാതിയെ തുടർന്ന് പോക്സോ നിയമപ്രകാരം പൊലീസ് കേസെടുക്കുകയായിരുന്നു.

കുഞ്ഞിന്‍റെ അമ്മയും അച്ഛനും ജോലിക്ക് പോയിരുന്ന സമയത്ത് പ്രതി വീട്ടിലെത്തി പീഡിപ്പിക്കുകയായിരുന്നുവെന്നാണ് കുട്ടിയുടെ അമ്മ നൽകിയ പരാതി.

വൈദ്യ പരിശോധനയ്ക്ക് വിധേയമാക്കിയ ശേഷം യുവാവിനെ കോടതിയില്‍ ഹാജരാക്കി റിമാന്‍ഡ് ചെയ്തുവെന്ന് പോലീസ് അറിയിച്ചു.

Story highlight : Young man arrested for pocso case in kozhikode