ജയ്പുര്‍ : ഏഴാം ക്ലാസ് വിദ്യാര്‍ഥിനിയെ പീഡിപ്പിച്ച കേസില്‍ രാജസ്ഥാനിലെ ജുന്‍ജുനു ജില്ലയിലെ 31കാരനായ സര്‍ക്കാര്‍ സ്‌കൂള്‍ അധ്യാപകനെ അറസ്റ്റ് ചെയ്തു.
ഈ മാസം 5 ആം തീയതിയിരുന്നു സംഭവം.ക്ലാസ് സമയം കഴിഞ്ഞിട്ടും വീട്ടിൽ പോകാൻ അനുവദിക്കാതെ സ്‌കൂളില്‍ നില്‍ക്കാന്‍ അധ്യാപന്‍ കുട്ടിയോട് ആവശ്യപ്പെടുകയും തുടർന്ന് മറ്റു കുട്ടികള്‍ പോയ ശേഷം ഇയാള്‍ കുട്ടിയെ ലൈംഗികമായി ഉപദ്രവിക്കുകയുമായിരുന്നു.
ഇക്കാര്യം ആരോടും പറയരുതെന്ന് പറഞ്ഞു ഇയാൾ കുട്ടിയെ ഭീഷണിപ്പെടുത്തിയിരുന്നു.
ഒന്‍പതു ദിവസത്തോളം പെൺകുട്ടി ഈ വിവരം മറച്ചുവയ്‌ക്കുകയയും തുടർന്ന് അധ്യാപകൻ അവധിയായിരുന്ന സമയം ടെക്സ്റ്റ് ബുക്കിൽ കണ്ട ഹെൽപ്പ്‌ലൈൻ നമ്പറിലേക്ക് വിളിച്ച്‌ വിവരമറിയിക്കുകയുമായിരുന്നു.
ചൈൽഡ് വെൽഫയർ കമ്മിറ്റി ഇടപെട്ട് കുട്ടിയിൽ നിന്നും വിവരങ്ങൾ ശേഖരിക്കുകയും തുടർന്ന് ജില്ലാ പോലീസ് സൂപ്രണ്ടിന് വിവരങ്ങൾ കൈമാറുകയും ചെയ്തതോടെ പോലീസ് ഉടൻ വീട്ടിലെത്തി അധ്യാപകനെ അറസ്റ്റ് ചെയ്യുകയുമായിരുന്നു.
Story highlight : School Teacher arrested for molesting 7th standard student.
