റിയാദ്: സൗദിയിൽ മെഡിക്കൽ വിദ്യാർത്ഥിനികൾ സഞ്ചരിച്ചിരുന്ന ബസ് അപകടത്തിൽപെട്ടു.
റിയാദിൽ നിന്ന് 200 കിലോ മീറ്റർ അകലെ മജ്‍മഅ യൂണിവേഴ്‌സിറ്റിയിലെ മെഡിക്കൽ വിദ്യാർഥിനികൾ സഞ്ചരിച്ചിരുന്ന ബസാണ് അപകടത്തിൽപെട്ടത്.
9 വിദ്യാർത്ഥിനികളാണ് ബസിൽ ഉണ്ടായിരുന്നത്.ബുധനാഴ്ച വൈകീട്ട് റിയാദ് പ്രവിശ്യയിലെ റൗദ സുദൈറിന് സമീപം ജലാജിൽ എന്ന സ്ഥലത്താണ് സംഭവം ഉണ്ടായത്.
നിയന്ത്രണം വിട്ട ബസ് തെരുവ് വിളക്കിന്റെ കാലിൽ ഇടിച്ച് എതിർദിശയിലേക്ക് നീങ്ങി റോഡ് സൈഡിലെ കോൺക്രീറ്റ് ബാരിക്കേഡിലേക്ക് ഇടിച്ചുകയറുകയായിരുന്നു.
ക്യാമ്പസിൽ നിന്നും യൂണിവേഴ്‌സിറ്റി ബസിൽ റൗദ സുദൈറിലെ താമസസ്ഥലത്തേക്ക് മടങ്ങവെയാണ് അപകടം സംഭവിച്ചത്.
ഏതാനും വിദ്യാർത്ഥികൾക്കു മാത്രമാണ് പരിക്കേറ്റത്.ഡ്രൈവറും മറ്റു വിദ്യാർത്ഥിനികളും പരിക്കിൽ നിന്നും രക്ഷപ്പെട്ടിട്ടുണ്ട്.
Story highlight : Medical students injured due to the Bus accident in Saudi Arabia.
