സ്റ്റുഡിയോ ഉടമയുടെ മരണം കൊലപാതകമെന്ന് തെളിഞ്ഞു ; പ്രതി അറസ്റ്റിൽ.

കോതമംഗലത്ത് സ്റ്റുഡിയോ ഉടമയെ മരിച്ച നിലയില്‍ കണ്ടെത്തിയ സംഭവം കൊലപാതകമെന്ന് തെളിഞ്ഞു.

തിങ്കളാഴ്ചയാണ് ചേലാട് നിരവത്തുകണ്ടത്തില്‍ എല്‍ദോസ് പോൾ എന്ന സ്റ്റുഡിയോ ഉടമയെ കനാലിന് സമീപം മരിച്ച നിലയില്‍ കണ്ടെത്തിയത്.

പ്രതിയായ എല്‍ജോ ജോയിയെ പോലീസ് അറസ്റ്റുചെയ്തു.വീട്ടില്‍ വിളിച്ചുവരുത്തി എല്‍ദോസ് പോളിനെ ഇയാൾ കൊലപ്പെടുത്തുകയായിരുന്നുവെന്ന് പോലീസ് വ്യക്തമാക്കി.

സംഭവത്തിൽ പ്രതിയുടെ മാതാപിതാക്കളെയും കസ്റ്റഡിയിലെടുത്തിട്ടുണ്ട്. 

കടം വാങ്ങിയ പണം തിരികെ നൽകാമെന്ന് പറഞ്ഞാണ് എല്‍ദോസിനെ വീട്ടിലേക്ക് വിളിച്ചു വരുത്തുകയും പിന്നീട് കുത്തിക്കൊലപ്പെടുത്തിയ ശേഷം മൃതദേഹം കനാലിൽ ഉപേക്ഷിച്ച് കടന്നുകളയുകയായിരുന്നു.

ഇന്ന് പ്രതിയെ തെളിവെടുപ്പിന് എത്തിക്കുമെന്നും പോലീസ് പറഞ്ഞു.

Story highlight : The death of the  Kothamangalam studio owner is murder.