കര്‍ണാടക ബെലഗാവില്‍ പ്രണയത്തിന്‍റെ പേരില്‍ പെണ്‍കുട്ടിയുടെ വീട്ടുകാർ യുവാവിനെ കൊന്ന് മൃതദേഹം റെയില്‍വേട്രാക്കില്‍ ഉപേക്ഷിച്ചു.
അബ്ബാസ് മുല്ല(24)യെന്ന യുവാവിന്റെ മൃതദേഹമാണ് ഇന്ന് രാവിലെ ബെലഗാവിയിലെ റെയില്‍വേട്രാക്കില്‍ തലയറുത്ത നിലയിൽ കണ്ടെത്തിയത്.
ബെലഗാവി സ്വദേശിയായ 21 കാരിയുമായി അബ്ബാസ് പ്രണയത്തിലായിരുന്നു.
പെണ്‍കുട്ടിയുടെ വീട്ടുകാർ എത്തിർപ്പ് പ്രകടിപ്പിച്ചതിനെ തുടർന്ന് ഇരുവരും വിവാഹം ചെയ്യാന്‍ തീരുമാനിക്കുകയും ഇന്ന് പുലര്‍ച്ചെ പെണ്‍കുട്ടി അബ്ബാസിനൊപ്പം ഒളിച്ചോടുകയുമായിരുന്നു.
എന്നാല്‍,ബെലഗാവി അതിര്‍ത്തിയില്‍ വച്ച് പെണ്‍കുട്ടിയുടെ വീട്ടുകാര്‍ ഇരുവരെയും കണ്ടെത്തുകയും പെണ്‍കുട്ടിയുടെ സഹോദരനും ബന്ധുക്കളും ചേര്‍ന്ന് അബ്ബാസിനെ ക്രൂരമായി മര്‍ദ്ദിച്ച് കൊലപ്പെടുത്തുകയായിരുന്നു.
ശേഷം മൃതദേഹം റെയില്‍വേട്രാക്കില്‍ ഉപേക്ഷിച്ചു.രാവിലെ മൃതദേഹം കണ്ട പ്രദേശവാസികളാണ് പോലീസിനെ വിവരമറിയിച്ചത്.
പൊലീസ് അന്വേഷണം ആരംഭിച്ചതോടെ പെണ്‍കുട്ടിയുടെ സഹോദരനും ബന്ധുക്കളും ഒളിവിലാണ്.
Story highlight : Young man was found dead on railway track in Karnataka.
